.
انا مو قاهرني الا المناهج الغبيه
( فيزياء - ادب - كيمياء - نحو - رياضيات - توحيد ...)
ناخذها وحده وحده
الفيزياء : بالله وش راح يستفيد الطالب من مساحة و سرعه و خرابيط !
كيمياء : تقريبا نفس وضع الفيزياء
رياضيات : اعرف اجمع و اطرح و اضرب و اقسم
خلاص وش المطلوب مني بالله ؟
و الشي المضحك المبكي الدرجه الوحده فيها تنقصك 6 درجات !
ادب : ماده وضعت لمجاملة الجيل القديم < !!
وش راح نستفيد اذا حفظنا لبشار بن برد و طقته ؟
نحو : اجيد اللغه العربيه بحذافيرها + اجيد التحدث بطلاقه
طيب وش الهدف من الاعراب او وش الهدف من الماده ككل ؟
توحيد : نفس المواضيع تنعاد و التعاريف نفسها بس يغيرون فيها كم كلمه و يقولون
امسك المنهج الجديد !
. . .
ما ودي اتكلم عن الامور الثانيه ( 7 ساعات دوام + مكيفات ابو كلب + فصول ابو كلب + وجباب سيئه جدا ... الخ )
ما نبي منكم الا مناهج صصح
عطونا مناهج تفيد الطالب في حياته و تستحق ان الطالب يكرف و يتعلم منها
و صدقوني بتشوفون جيل مبدع مبدع مبدع
ودي ابدأ يومي و انا متيقن اني رايح استفيد و اتعلم
مو رايح انقل اللي في السبوره
و في الاختبارات احفظه و انقله في الورقه و انتهينا .. !
