نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - تكفون يا جماعه .. رجال امن الملاعب ذبحونا وصلوها لبو سلطان

المــراوغ · #7 05/04/2005, 10:10 PM

[align=center]بصراحة موضوعك مهم جدا

يعني ع الصميم ..

اللي لاحظته اننا فقط جمهور الرياض نشتكي من هذا الشي ؟؟

يعني خذلك مثال ..

انا حضرت مبارة الهلال والاتفاق بالدمام انا وخمسه من ربعي ..

المهم معنا كم واحد يدخن وتعرف عندنا بالرياض الولاعه ممنوع دخولها للملعب

فـ وش اللي صار من خوينا جالس له ساعه يزبن الولاعه مرة بجزمته الله يكرمكم
ومرة بالجاكيت ومرة ما ادري ايش ..

واول ما وقفنا عند بوابة جلسنا نطالع العسكر كانوا 2 يسولوفون ..
نحتريهم يجوون يفتشون كالعاده

ما حولنا احد ..

قال العسكري تحرك يالطيب تراك سببت زحمه للي
وراك وجلس يكمل سواليف

بصراحة استغربت ..

ولا يوم دخلت الملعب واحصل اعلام بعصيانها والاعلام اللي عليها كتابات وصور
يعني الوضع طبيعي جدا ..

ومحافظة جدة يدخلون الالعاب الناريه والنمور والتماسيح والخ ..
والوضع طبيعي جدا .

يعني ليش بالتحديد فقط بمنطقة الرياض هذ1 اللي يحصل من اجرائات متشدده ؟؟

اتمنى من ابو سلطان يشوف لنا حل مع هالمشكلة والاجراءات اللي ترفع الضغط وتعل ..

ومشكور اخوي من كل قلبي على موضوعك ..

يالله يالله وداعة الله ’’

اخـــــــــــــــــــوكم مـــــــــــــــــــــــــراوغ

[/align]