بسم الله الرحمن الرحيم

السلآم عليكم ورحمة الله وبركاتة ...

آولآ هاردلك التعادل المخيب للآمال صرآحه والعوض في الجايات ان شاء الله ...

الكره السعوديه خطط لها ووضع لها اساسات قويه المرحوم صاحب السمو الملكي الامير فيصل بن فهد بن عبدالعزيز

رحمة الله تعب وخسر صحته وماله ووقته وسنين من عمره لكي يصنع قاعده قوية للكره السعوديه وبالفعل بعد تعب

وجهد آستطاع رحمة الله ان يوجد للمملكه العربيه السعوديه آسم قوي وكبير على المستوى العربي وعملآق على

الآسيوي ومبهر على المستوى العالمي (( كاس العالم 94 )) بعد نهائيات كاس العالم 94 في امريكا تقريباً دخل نائبه

الامير سلطان للرياضه السعوديه كنائب لآخيه وكان لآيملك من الفكر ربع مايملك اخوه فيصل وبعد وفاة الامير فيصل عام

99 استلم الامير سلطان مهام الاتحاد السعودي ومن بعدها الكره السعوديه في انحدار خطير جداً جداً في حوالي 10

سنوات تقريباً دمر كل ماعمله أخوه الامير فيصل في 20 سنه صار الاتحاد السعودي محل شك الجميع من لجان

واعضاء ورؤساء لجان ومستشارين ووكلآء ودمر المنتخب السعودي اللي كان في يوم من الايام منتخبات مثل

تايلند وسوريا والاردن تحلم مجرد حلم انها تعادل معه للآسف آتت اكبر الهزائم في تاريخ المنتخب في عهد سلطان

8/0 من المانيا 4/0 من اوكرانيا 5/0 من اليابان الخروج من الدور الاول من كاس العالم 2002 بدون اي نقطه

وبدون اي هدف وفي جعبتنا 12 هدف في 3 مباريات !!!

وكانت هذي المشاركه القشه اللي قصمت ظهر الكره السعوديه بعدها خروج من الدور الاول من كاس اسيا 2004

في الصين بعدها الخروج من كاس العالم 2006 بنقطه يتيمه من امام تونس وفي مرمانا 7 اهداف وآخراً الخروج ب

بشكل مخزي ومذل من كاس اسيا 2011 في قطر بخساره من سوريا والاردن وفضيحه امام اليابان ..

انا ماسردت الحقائق لجهلكم فيها !! لآ كلكم عارفين الحقائق هذي انا سردتها عشان ابين ان الكره السعوديه الا

الآن تدفع ثمن عقلية سلطان بن فهد اللي وصلنا لهذي المرحله الخطيره ...

واللي أبي اوصل له.. بسأل أي واحد منكم هل يقبل يستلم رئاسه الاتحاد السعودي بعد هذا الدمار اللي احدثه سلطان

بن فهد ؟؟!! آكيد لآ وفي حاله قبل أحد بيقول لآتحاسبوني على عملي الا بعد خمس سنوات على الاقل لآصلاح الدمار

اللي احدثه الرئيس السابق ..

أنا كل هدفي من هذا الموضوع ان حنا نصبر على الامير نواف بن فيصل حتى لو ماتأهلنا لكاس العالم 2014

ونخليه يبني بهدوء ماخلفه سلفه سلطان من دمار للكره في المملكه حنا نبيه يبني منتخب لـ 2015 كاس اسيا

و 2018 كاس العالم وباأذن الله قادر الامير نواف انه يرجعنا لآيام آبوه الله يرحمة .. آسف على الاطاله لكن ماكتبت

هذا الا من حرقتي على الرياضه في المملكه اللي نزلت لمستوى ماكان احد يتوقعه ...

آتمنى عدم العصبيه في الردود اللي عنده انتقاد لموضوعي يوصله بهدوء لو سمحتو لآن مافي احد مايخطي وكلنا

نتعلم من بعض ..