إقتباس الرسالة الأصلية كتبت بواسطة هلالي وجوي أزرق طيب والي عنده شاكوش نايمه جنبه وش يسوي

ليش شاكوش وين عيونك يوم خذيتها تذكر انها تحفظ سرك وتلزم بيتك

اذا شفتها مقصره انصحها ماهو عيب ولا حرام

وضح لها الخلل اللي فيها على شان تحسن من نفسها شووي

إقتباس الرسالة الأصلية كتبت بواسطة M A Z Z O N E موضوع جميل حقيقةً و لم أتوقع بعض الردود في الموضوع تكون بهذه الصوره و القليل مِنها بهذه السلبيه, عموما ً .. !! إن تحدثت عن ما يحدث و بعض التفاصيل التي أعتبرها من الخصوصيات, لرُبما أُتِهمتُ بمحاولة إرتداء ثوب المثاليه و المحاوله للظهور بالمظهر الكووول و ما إلى ذلك من خرابيط .. !!! لست بصدد ذكر ما أنا عليه و ما أقوم بِه تجاه شريكة حياتي ( حفظها الله لي ) إنما بصوره عامه و بـ مجمل عام حول الموضوع:- - لا يمكن بأي شكلٍ من الأشكال أخذ تسعة أو عشرة ردود على موضوع الدكتور الشيخ عايض القرني على إنها عامه للجميع أو إحصائيه << إن كانت هُناك عشرة نساء أو عشرين يعشنّ مرارة الحياة الزوجيه مع أزواهِن << فـ بالتأكيد هُناك من على النقيض من هذا تماماً و يعشنّ ما هو أجمل من تِلك الحياة التي تعيشها زوجته الدكتور معه << لذلك هُناك إختلافات و تنوع بين الذكور و الإناث و بين عقلياتهم و طريقة تعامل كُلٍ منهم مع شريك أو شريكة حياته .. !!! \\ الشيء الأكيد الذي بحمد الله أنا واثقٌ مِنهُ تماماً << أنّ زوجتي لو قرأت موضوع الدكتور لن تُفكر مُجرد التفكير بأن تقول لي: " أُنظر إلى ما كتب الدكتور " \\ النساء بصفه عامه من جواهر الحياة الثمينه << فكيف و إذا بِها الزوجه و شريكة العُمر << هُناك أكثر بكثـيـــر من مُجرد التأمل بِها و هي نائِمه, الأمور الصغير الصغيره التي لا تعرفها هيّ عن نفسها, أستمتع بالتمعن بِها كُلما نظرتُ إليها << بل إني على إستعداد تام لأن أجلس يوماً بأكمله فقط أتنبأ بِكُل ما ستقوله و ما ستفعله من ردة فعل سواءً بيدها اليُمنى أو اليُسرى أو طريقة جلوسها أو ضحكها أو أي شيءٍ كان, أستطيع أن أفعل على الفور ما ستقوم بفعله بعد ثانيتان من الآن و أُجزم بأنه سيكون صحيحاً بنسبة 99,9% ^__^ \\ من منظور آخر << ليسَ كُل اللوم على الرِجال إن ناموا قبل أن تنام أزواجُهُن و لم يفكروا بالنظر إليهن و ليس اللوم كُله على النساء إن حدث العكس و ما إلى ذلك, تختلف الحياة من هذا و ذاك و هذه و تِلك بإختلاف الظروف, البيئة, التربية و العادات و التقاليد <<< و الأهم من كُل هذا و ذاك, التقيد بأمور الدين و العيش في كُل لحظة على إننا مُسلمين .. \\ في مُقابلة للاعب المُسلم فريدريك عُمر كانوتيه << أعجبتني مقوله قالها حينما سُئِل عن كيف يتعامل و هو في الغُربه مع غير المُسليمن حيثُ قال:- ( الإسلام ليس أمراً نفعله في أوقات, أو زيارة كُل أحد أو جُمعه أو ما شابه, الإسلام هو كُل الحياة, هو كيف أنام و كيف أستفيق و كيف أتعامل مع هذا و ذاك و كيف ألبس و آكل و أشرب و كيف أتعامل مع الغضب و الفرح و الحزن, الإسلام هو الحياة التي أعيشها ) \\ شُكراً لكِ على الموضوع و عُذرا ً على التأخر في الرد . . إحترامي

اروع كومنت قريته الى الان ..الله يحفظ لك زوجتك ويبعد عنكم عيون الحساد..عادي اخوي

إقتباس الرسالة الأصلية كتبت بواسطة الدخان الازرق مشكلة الحريم .. يبون كل شي .. في كل وقت .. بأي طريقة!!!!!! طيب الحين نشوفها بمنظور الرجل... ماشافت المرأة وجه زوجها وهو نايم جنبها ... وقالت في نفسها... يالله هالرجال يكد كأنه حمــ ...!!! ليل ونهار عشان يعيشني ويصرف علي!!! ماقالت شلون جاني قلب اني ما اهتم فيه واتشرط عليه وهو اللي مضحي بوقته ولا حتى ارضى انه ينبسط ويطلع مع زملائه شوي؟؟!!! بس الحريم يشوفون غيرهم وتولع نار الغيرة فيهم!!! ليش فلانة زوجها يسوي لها كذا وانا هذا نايم جنبي ولا يسوي لي مثلهم؟؟؟؟؟؟؟ حريم هالزمن ....... تفكر كيف تاخذ طوووووول الوقت!!!! ولا فكرت كيف تعطي؟! والله العظيم ان الرجل كائن بسيط وغير معقد ... اذا لقى شي زين .. جلس عنده ولا تحرك!!!! المسيكين يتزوج وحدة وش زينها وبعد كم سنة تتنفخ البنت من كل جهة ولا تهتم بنفسها ولا شي .. وفوق كل هذا تتشرط وتبي رومانسية!!!!! الرجل يحس انه ضاعت حياته خلاص!!!!!! يعني بذمتك ماراح يطفش من حياته هذي؟؟؟؟؟؟؟؟؟؟ اذا طفش وجته الكئابة ،،، راح يطلع ... راح ينحاش يشم هواااااااااااا .... لانه اذا جلس قدامها 24 ساعة ،، بيجيه انفصام في الشخصية!!!!!!! راح يسافر ،، ويهرب من واقعه المرير مع الغزال اللي عنده في البيت واللي بقدرة قادر صار فيل صغير!!!!! والشي الثاني ان الغالبية العظمى من السعوديات ،،، ليس لهن تجارب في الحياة سوا الزواج!!!! وبعد الزواج تنصدم بواقع الحياة ... وتعرف ان الحياة صعبة ومشاكلها كثيرة!!! لانها ماقد اشتغلت ولا تعبت ولا كافحت ولا سوت اي شي ... من المدرسة للبيت ومن البيت للمدرسة ... واذا تزوجت قالت الرجال فيه وفيه!!!!! انا احس اني انفردت ..... بس شي بقلبي بطلعه... بموووت من القهر!!!!

انا اقول الحريم ماهن ملائكه وفيهم الغلطانه واللي المهمله والمؤدبه يعني اصابعك ماهي سوا..فعلا الحريم يغارون من بعض ..انا الحين بيني وبين جارتي قضيه في المحكمه بسبب غيره الحريم وفيه حريم اعرفهم والله ماتدري زوجها وين ينام بالبيت ولا الشارع همها الاكل والشرب واللبس بس ..بس انا اقصد الرجال اللي زوجاتهم محتوينهم تجيك وحده ماهي مقصره مع زوجها بشي فيها الجمال والحلاوه والحسب والنسب وقايمه بكل حقوقها واخرتها زوجه يسحب عليها ويروح تايلندولاا البحرينهذا ايش تسميه ..عموما الله يصلح حال المتزوجين كلهم والله يصلح حالك شكلك تعاني لكن بالسياسه والكلمه الطيبه الامور تصير طيبه
ووبس

إقتباس الرسالة الأصلية كتبت بواسطة معشوقي 20 دراسه اجرتها بنفسي أكتشفت كالأتي أن طبع الحريم ماتعرف تشكر أبداً أشوف المجتمع اللي حولي تلقى الرجال حاطه في عيونه بس يخطي يصير الرجل كريه و ظالم و موب رمنسي ووو من الكلام اللي ماله سنع أبد أتوقع أن المرأه أخذتها عاده يعني تدخل المنتديات تلقى سب في الرجال وعاد هي تبرمج روحها على هالكلام بس يخطي أو يقصر في شي تقول في نفسها صح كلام العضوه الفلانيه في المنتدى صحيح الرجال مايجي منهم فايده ! أنا أتمنى ألاقي زوجه مساتانسه في حياتها وتمدح رجلهاا طلع كل السعوديين ظالمين و موب رومنسيين والله أنتن الظالمات !! قبل فتره جاني برودكاست جازلي الصدق يقولك الولد أو الزوج تلاقيه يكد على أهله يوديهم ويجيبهم ومره تدق عليه أخته أو زوجته تقول جب سنيكرس على القهوه هو ماجاب وش يبي يكون رد الزوجه أو الأخت !!؟ أكييد أنت ماتنفع و ياليت الحريم يسوقن أسوي اللي ابي هههه والله حاله بالأخير البنات والزوجات نفديهن بعيوننا وحنا تحت خدمتهم بس موب حلاا بحدود يعني !! نقطه أخيره أخوي ابو يوسف الهلالي أهنيك على مشايخ البشوت ولا زودها مشايخ البانوراما أنا أول مره أشوف شيخ بناته يتابعن قنوات mbc بالله هذا شيخ أن كان شيخ فسلامي على مشايخ المستقبل مشكوره ريوف على الموضوع تحاتي إلك

الحمد لله انا مستانسه مع زوجي كل شيء يبيه ياخذه وكل شيء ابيه اخذه يعني الحمد لله سمن على عسل ..الله لايغيره علي ..كانت فيه العصبيه وقشعت امها هع هع
والحمد لله مو انا اللي اجحد زوجي بالعكس ليت فيه اثنين مثل زوجي مافي ابدالبى قلبه فديت قلبه

بحكم اني بنوته واعرف ايش اللي يزعل البنات هو تجاهل الطرف الاخر للمراه

يعني لو يبي شيء تلاقيهواذا مابغى سم الله علينا

العفو اخوي

إقتباس الرسالة الأصلية كتبت بواسطة king missi hilal im sorory أنآ أنسآن موب متزوج بس كلمة الحق لآزم أقولهآ بصرآحه عندنآ بعض الزوجآت مظلومين تمنيت لو الرجل يفكر لحظة في قلب زوجته مآ أقول الآ الله يرزقني في بنت الحلآل و تكون هي دنيتي و أكون أنآ دنيآهآ والله يوفق كل حبيب و حبيبه و يهدي كل قلب حجر لـ زوجته المسكينه

امييييييين يارب

إقتباس الرسالة الأصلية كتبت بواسطة الشاعر ~ موضوع حلو وشيق .. ولابد من الزوجين الإقتداء والإمتثال لسنة المصطفى صلى الله عليه وسلم .. والأهم من وجهة نظري للمشاكل الزوجية هي ((العناد)) والمشكلة على أمور تافهه.. والله يوفقنا ويوفقكم لما يحبه الله ويرضاه..