نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

هلالي%ولدسليم · #5 09/10/2011, 04:15 PM

إقتباس

الرسالة الأصلية كتبت بواسطة سلمان شمر


	حبيبي آلله يصصلحك لآتقدم رغبآتك ع حسسسآب آلهلآل "(مدري وش سآلفتهم آهل آلقصصيم مآسكه معهم دفآع ع آلفريدي)" آو آو آو نسسسيت آلفريدي ح ـربي من بني جلدتك هههههههههآآي

,
,

تعال يالشمري ..

اولا الله يصلح الجميع
وماهي حلوه منك هالشطحه يالسنعوسي

الحين ليش تدخل القبيله في ردك
اولا كل شخص يملك أنتماء وعلى درجات متتاليه
انتمائنا اولا واخيرا للوطن الذي تربينا فيه ونعمنا من خيراته ومن بعده للمنطقه والقبيله الين نآصل للناس القريب اللي حنا منهم
ومافيها شي إذا حبيت انسان موهوب ويكون من نفس قبيلتي
بس بشرط ما أهظم حق غيره
والموهوبين دايم يحظون بالحب والتشجيع
هذا انت تركت نجوم الهلال كلهم وجبت التمياط مع الثنيان الاسطوره الكبيره
وهذا من حقك والتمياط يستحق ذلك وأكثر
انا شخصيا كنت من اكثر المعجبين بهذا اللاعب الفذ
,
طيب ليش استكثرت على ناس يجمعهم نفس الاصل مع لاعب مبدع ومحبوب مثل الفريدي من التغني في أنجازاته ومستوياته
من حقهم يآخي والفريدي مثله مثل اي نجم هلالي
,
اما بخصوص الموضوع
الفريدي عرفناه عن طريق الهلال وبحول الله ثم وقفة رجال الزعيم سيبقى هلالي
الفريدي لو كان في نادي اخر لطالبنا الاداره بدفع الغالي والنفيس من أجل أحظاره

خلونا نآخذها بعقل
من حق اللاعب تأمين مستقبله
ومن حق الجمهور على ادارة ناديه مطالبته بالمحافضه على النجوم الواعدين

بعدين انا استغرب من اللي يقارنون حالة الفريدي بياسر القحطاني
كلنا نعرف ياسر ماهو بحاجة المال قبل أن يكون لاعب
وربي منعم عليه وحالته جيده
عكسه الفريدي الكوره هي مصدر رزقه وعن طريقها يستطيع تأمين مستقبله
ومستقبل اسرته
الحين لو ضحا الفريدي بفارق ملايين لأجل جمهور الهلال وبعدها حدث له اصابه لاسمح الله ونزل مستواه
هل سيدفع الهلال فيه نفس المبلغ الذي سيدفعه الآن
ليش مانقول يجب على النادي مثل مايجب على اللاعب
أم نطالب اللاعب فقط بالولاء
لو حدث له اي نزول في مستواه سيعيره النادي ولن يجد مثل هذه العروض
إذآ هي فرصه ومن حق الفريدي أن يستغلها
وهو يستحق أي مبلغ يدفع به مهما بلغت قيمته
بعدين حنا نطالب بالأحتراف الحقيقي كما في اوربا
طيب في اوربا اللاعب يذهب لمن يدفع أكثر والأمثله كثيره الجميع يعرفها
,
انا مطالبتي اوجهها للأداره ممثله في سمو الامير عبدالرحمن بن مساعد وهو الشخص المدرك والعارف
وهي ان يحافظ على نجوم الهلال ومستقبله مثل الفريدي والعابد والدوسري وغيرهم
وسموه احرص من الجميع على هذه النجوم الواعده
,
,
كل الشكر أختي زعيمه فريديه
طرح جميل

دمتي بخير