السلام عليكم

انا ماحبيت اعلق امس لان النفسيه زفت قلت خلني اذا روقت ادخل

بغض النظر عن المباراه ياشباب خلونا نكون وقعيين كل الفرق اللي تنفسنا جابو لاعبين اليوفي اساسيين والدكه عندهم قويه ونابولي نفس الوضع الانتر يمكن نقول نفس وضعنا وثاني شي كل الفرق الايطاليه يابسه في ارضها يمكن اخر ثلاثه او اربعه بدوري يمكن تضمن الفوز رايح جاي ام غير الفرق ذي ماتضمن قدامهم وش يصير

من الكلام هذا نستنتج ان الخطا مشترك بين الاداره والاداره مره ثانيه والمدرب
الاداره عرفين من موسمين الى ثلاثة مواسم ان الجهة الايسار مافيه من يغطي دايم نلعب ناقصين بسبب اللاعب بهذا المركز انتونيني حوارري ولاهو بمستوا الميلان وزامبروتا كان يغطي الجهه بس الحين كبر يالله يلعب شوط واللياقه ماتسعفه بعد
تايو جاء ليه مايشرك المدرب من الاساس ليه يوافق عليه وبالاخير مايلعبه وهو معروف انه هجومي ودفاعي لاباس واباتي وين البديل والوسط ياناس سيدروف معروف خارج السان سيرو مايسوي شي امس بغى يجيب لي جلطه يمسك كوره اكثر من اللازم وكل التمريرات خطا ونشيرنو ركض وبس وامبرزيني وقاتوزو لزم تفهم الاداره انهم خلاص انتهو لزم بديل والله الفريق يبيله شغل كبير الاداره لزم تجيب اثنين محور وبديل اباتي وظهير ايسر وصانع لعب لمتى ننتظر حسنات سيدروف وزمبروتا اتمنى الاسطوره بونيرا والاسطوره انتونيني برى وقاتوزو جاه عرض كويس من روسيا يطلع بيناير ونستفيد بالمبلغ نجيب محور مكانه
بنسبه لبيرلو مقدر اقول الا اه ياالقهر بس
بنسبه للمدرب لزم غالياني يجلس معه وش ذا القناعات اللي عنده اللحن اكويلاني جاء عشان يجلس احتياط لسيدروف اي نعم امس انهزمنا واستهل اليوفي نظرن لمستوهم
بس كان يمدي المدرب يتدرك الوضع يطلع سيدروف ويدخل اكويلاني بس اللي فات مات وش نقول المدرب صراحه عنده لاعبين جهزين ويلعب اللي توه جاي من اصابه
اكرر واقول لزم غالياني يجلس مع المدرب وبصراحه مو متفاال بهذا الموسم لحد يقول تونا بالبدايه اي نعم بالبدايه بس مافي لاعبين حتى لو رجعو المصابين خلونا واقعيين لزم ظهير ايسر ومحورين صغر في السن

اتمنى اتمنى فان در فيلا ومونتلفيو وهازارد واصمواه لاعب لاتسيو وكولاروف لاعب مان سيتي عندهم كليشي يعني يمكن يبعون لنا كورلاوف يعرف اجوا الكالتشو
واي لاعب ثاني يكون ارتكاز وصدقوني ابطال اروبا في ميلانو اما كذا لا نجلس نتامل ونكذب على نفسنا كل فرق الابطال شفو تشكيلتهم اغلبهم كلهم نجوم وحنا كلهم مستهلكين خلصو لزم يناير نجيب لاعبين زي الاوادم

بنسبه للي يقول نغير المدرب المدرب دفاعي بطل ولا فيه كلام بس هجومي صراحه ضعيف وخاصة قدام الفرق الكبيره لحد يقول الانتر العام والسوبر الانتر يمر بفتره كلن طمعن يفوز عليه زي اليوفي العام لزم لاعبين والله قهر الميلان لاعبين زي سيدرووف وانتونيني وبونيرا ونشيرنو يلعبون فيه




اتمنى ما ابثرتكم واسف جدا جدا على الاطاله هذي اول مشاركه لي برابطه اتمنى اكون خفيف الظل عليكم