نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - CALCIO 6 [ يوفينتوس يحسم الكلاسيكو بهدفين .. نابولي يواصل الانتصارت بثلاثية على إنتر .. روما يحقق النقاط الثلاث على ميدانه || متابعة ||

s.Milandini · #7 03/10/2011, 09:14 AM

بالشوط الأول الليغري

ثبت الاظهرة وعطل نقطة قوة اليوفي بالاجنحة

مشكلتنا ان وسطنا ثقيل حتى بواتينغ ما نقدر نوصفه باللاعب السريع
لذلك نشوف ان الميلان اذا فقد الكرة يعاني في استرجاعها ووسط اليوفي مبسوط على هالشيء وجالس يعمل تمريرات بمنطقة الميلان وتسديدات على باب ابياتي ..

ووالله أني إلى ما قبل الدقيقة ستين كنت أمني نفسي بهدف لليوفي يستفز به الميلان ليلعب بأكثر تقنية ودقة ..
يعني بالضبط مثل ما صار في السوبر الايطالي للميلان ضد الانتر ، كنا محتاجين أحد يستفزنا بدري لنقلب عليه الطاولة بفضل أداءنا المبهر والمعروف لدى الجميع ..

إقتباس

الرسالة الأصلية كتبت بواسطة s.Milandini


	ليه دايم إذا جينا نبي نستعد لليوفي يدخل بونيرا عرض بالتشكيلة ؟! أباتي تأكد غيابه عن كلاسيكو إيطاليا أنا مآ أقول أن أباتي يوازي مايكون أو ألفيس لكن أباتي بالميلان هو أفضل لاعب عندنا يغطي خانته دفاعياً وهجومياً بإستثناء عرضياته السخيفة وإذا جينا للحق فغياب أباتي مب كآرثة بقدر كآرثة دخول بونيرا للتشكيلة الأٍساسية برأيي والرأي الأخير يعود لـ ألليغري الرجل اللي أثق فيه وفي خياراته أنه لو دخل زامبو باليمين وتايوه باليسار أفضل من دخول بونيرا للأساسية

مشكلة لا صار فريقك بطل ويقوم بمجهود بطل لكن بغمضة عين يجيك لاعب واحد معك يهدم كل مجهودك والمصيبة ان يتسبب في ايهام الخصم انه الاجدر والاحق بالانتصار

وين الاعضاء اللي يقولون ان ابرا

هو مدبر الميلان أبيهم يجون يفسرون لنا وضعية ابرا في هالمباراة ، هالمباراة اللي تحتاج ناس من طينة ابرا ، انا مابي ابرا قدام كاتانيا او سيينا ، قدام الضعوف نقدر نسجل بأي طريقة او بأي لاعب .. لكن أمام الكبار يبدو أننا محتاجين نجوم من طراز باتو لا من طراز ابرا ..

طرد البرنس والهدف الثاني على ابياتي يثبت كلامي ويوضح لنا حالة الاحباط اللي عاشها الفريق ككل بعد غباء سيء الذكر بونيرا .. وتبقى كبير يا أبياتي

فيه عضو هنا تكلم قبل المباراة عن هجوم اليوفي والمفروض انه يضرب على جهة نيستا !!! اللي شفته بالمباراة ان الفريق ما انحلت مشاكله الهجومية الا بعد خروج نيستا

بونيراااااا الى الجحيم الأبدي

اخيراً .. لم أقل ان اليوفي لم يستحق الفوز لكن اقول ان اليوفي خدمته ضروف المباراة وضروف الاستعداد لها مثل ما تكلمنا في هالامر قبل اللقاء

وعلى طاري اليوفي اتوقع سيواجه هبوط بالمستوى في قادم اللقاءات اذا فقد بيرلو سواء للاصابة او الايقاف او الاجهاد
لأنه بكل بساطة شفناه أمس كيف يعتمد على بيرلو بكل هجماته بإستثناء الهدفين وهنا مكن الغرابة والتعجب !!

ولو أني ما قرأتها كلها إلا أن أغلب مشاركات الأستديو من اليوفاوية بعد اللقاء كانت بطريقة صبيانية وكأن فريقهم أول مرة يفوز على الميلان !!
لذلك تم تجاهلها ولم يتم التعقيب عليها

بقية اليوفاية نقول لهم مبروك النقاط الثلاث والدوري 38 جولة ونبقى حنا أبطال إيطاليا