السلآم عليكم .. [ 
] هآردلك حبآيب قلبي ع الهزيمة [ 
] صرآحة اليوم الفريق مآ كآن في يومه ، واليوفي أستغل هـ الشيء وقدر إنه يحقق النقآط الثلآث ، لكن هذآ مآ يمنع إننآ نقول إنهم لعبوا على إمكآنيآتهم الهجومية والدفآعية وأستغلآل وضع ميلآن السيء في المبآرآة والخروج بالفوز المستحق ، مبروك يوفآوية [ 
] أمآ الي يتكلمون عن [ المدرب ] فـ أول حآجة مآ أدري وش لزمة هـ الألفآظ نعآمة .. وإلخ ، يآ أخي الرجآل يستآهل الإحترآم والتقدير ، فأتمنى إننآ نبتعد عن مثل هـ العبآرآت الي مآ تليق فينآ كـ مسلمين .
الحآجة الثآنية ، اللي [ يحمّلون ] المدرب الخسآرة فـ مع أحترآمي لهم أشوف إنهم غلطآنين 100% المدرب مآ يتحمل الخسآرة لوحده ، صحيح عليه بعض الأخطآء في التبديلآت وفي الدخول للقآء بتشكيل أفضل من الي دخل فيه ، لكن كل هذآ مآ يخلينآ نحمله وحده هـ النتيجة ، الفريق اليوم ككل مآ كآن في الفورمة الطبيعية ، الكل كآن بعيد عن مستوآه مآ عدآ بعض اللآعبين أو بالأصح تيآغو سيلفآ ، وبوميل بدرجة أقل من وجهة نظري ، زيآدة على كذآ الغيآبآت الي تذبح أي مدرب في العآلم ، لمآ يغيب عنّك لآعبين من التشكيلة الأسآسية ، هنآ وش رآح تعمل ؟؟ أكيد رآح تحآول إنك تجد العنآصر [ القآدرة ] عل تعويض هذآ النقص ، ومن الطبيعي إن البديل مآ رآح يكون بنفس فآعلية وقوة الأسآسي .
بالله شفتوآ [ سيدورف ] اليوم ؟؟ اللآعب مختفي طوآل فترة المبآرآة ، لآعب اليوم شكّل عبء ع الفريق و عبء ع زآمبروتآ بشكل غير طبيعي ، اليوم كآن سيء لآ من نآحية المسآندة الدفآعية ولآ الفآعلية الهجومية ، تمريرآت مقطوعة ، كنترول ع الكور الطويلة دآئماً مآ يخسره لمصلحة بيرلو !! حآجة غريبة اليوم مستوى سيدورف ، أكثر من علآمة أستفهآم ؟؟؟
[ ابرا ] لآعب اليوم من دون أية حمآس أو أية رغبة في اللعب ، تلقآه مثل مآ قآل [ il Milnie ] بالضبط أتفق معه ، اليوم تحس إن مآ عنده حمآس مثل بآتو إذآ لعب قدآم فرق كبيرة .
[ كآسآنو ] في بدآية المبآرآة كآن متحرك وكآن يطلب الكورة كذآ مره ، لكن بعدين أو بالأصح في الشوط الثآني الرجآل صآر يفقد الكورة بكل سهولة ، وزيآدة على ذلك التعب الوآضح عليه ، الرجآل لآعب مبآرآة منتصف الأسبوع في الأبطآل وتجى وتبيه يلعب مبآرآة قوية مثل هـ المبآرآة واللآعب إلى الآن غير مكتمل ليآقياً ، وأتوقع هذآ سبب تبديله .
[ بوآتينغ ] يعجبني فيه حمآسه ، لكن الشيء إذآ زآد عن حده ينقلب ضده ، [ كلليني ] قدر إنه يستغل حمآس البرنس الزآيد ، وحآول معه كذآ مره إنه يقع في الفخ ويحصل على الورقة الحمرآء ، وهذآ الي صآر أو هذآ الي كآن يبحت عنّه هـ اللآعب ، أستغل هـ الشيء وخلآه يطرد من المبآرآة مع إنه حآول من قبل بس مآ قدر عليه الآ في آخر الدقآئق ، وهذي تحسب على بوآتينغ ، المفروض في مثل هالأمور يضبط نفسه ، تدري إن الفريق خسرآن و أنت معك كرت أصفر يعني أحتمآل في أي وقت تطرد من اللقآء وزيآدة على كذآ فريقك لآعبة فيه الإصآبآت فمآله دآعي إنك تآخذ أحمر وتخليه في المبآرآة الجآية يعآني من النقص الي رآح تسببه له ، لكن للأسف رعونة اللآعب وقلة خبرته هي الي خلته يتحصل ع الكرت الأحمر المستحق .
[ ابياتي ] كآن بطل في المبآرآة لغآية الدقيقة 84 ، وبعدهآ لآ تعليق ع العملآق كريستيآن .
فيه نقآط يلآم فيهآ [ أليغري ] وهي : خلو تشكيلة المبآرآة الأسآسية والإحتيآطه من اللآعبين [ يبيس و تآيو ] بالذآت يبيس ، أنت كمدرب لآزم تحسب ظروف الإصآبآت والطرد والمتغيرآت الي تحصل في كل مبآرآة ، وهذآ الي صآر اليوم خروج نيستآ للإصآبة ومآ فيه سنتر إحتيآط !! مو كل مرة إذآ بونيرآ موجود خلآص أخليه يرجع يلعب سنتر وأنزل ظهير ، هالأشيآء مآ تنفع خصوصاً عندك لآعب يلعب في هالمركز من الأسآس ليش تستبعده من التشكيلة !! والشيء الثآني هي عدم قنآعة أليغري في تآي تآيو إلى الآن ، كل المؤشرآت تدل على ذلك وأكبر دليل هو تصريح المآكس : " على تايو معرفة آلية الكرة الإيطالية "
زيآدة على كذآ تبديل [ أمبروسيني ] !! مآ أدري وش كآن المقصد من هـ التبديل ، اللآعب مآ تمرن إلآ قبل المبآرآة بيومين فقط !! والكل يعرف إن الفريق حآول إنه يجهزه لمبآرآة الأبطآل لكن اللآعب شعر ببعض الألآم ومآ تمرن ، وتجي إنت في هـ المبآرآة وتخليه يلعب بالرغم من وجود الآعب الجآهز ؟؟
[ أكويلآني ] إلى متى بيجلس ع الدكة ؟؟ والآ معجب بالموجودين ، اللآعب هذآ عنده إمكآنيآت لكن المدرب إلى الآن مآ عرف كيف يوظفهآ لخدمة الفريق ، يفترض اليوم ينزل مكآن سيدورف الغآئب الحآضر في هـ اللقآء .
والحآجة الي إلى الآن وأنا منبهر منهآ هي قيآم أليغري بالتبديل في وقت مبكّر ، واستنفآذ جميع التبديلآت في مبآرآة وآحدة ، صرآحة من المرآت القليلة للمدرب ، وبالذآت في هالمبآرآة ليته مآ أستعجل بخروج كآسآنو .
بخصوص بيعة بيرلو مثل مآ يقولون الأخوآن ، أحب أقولهم إن ميلآن مآ بآع أحد ، كل مآ في الموضوع هو إن بيرلو طلب من الإدآرة مرتب يصل إلى 5.6 مليون صآفي من الضرآئب !! وهـ الشيء من المعروف إنه يتعآرض مع سيآست الميلآن في التقشف و التقليل من مرتبآت اللآعبين سنوياً ، طبعاً الوحيد المستثنى من هـ الموضوع هو ابرا مثل مآ يعلم الكل فهو أعلى دخل أو أعلى مرتب في إيطآليآ ، والي يجي ويقول فلآميني يتقآضى 4.5 مليون أقوله هذآ خطأ وقعت فيه الإدآرة لمآ أتى فلآميني بالمجآن ، لكن لمآ يتنهي عقده مآ رآح يكون التجديد معه بنفس المبلغ .
ع العموم هذآ الي في آلي ، ولآ نقسوآ ع المدرب واللآعبين الكل يعرف الظروف الي يمر فيهآ الفريق في الفترة الحآلية ، لكن تخسر من اليوفي ومن نآبولي أحسن من إنك تخسر من تشيزينآ و ليتشي .. وإلخ ، والمبآرآة لآ تعدوآ كونهآ ثلآث نقآط ذهبت لمن يستحق ، والفريق قآدر على التعويض في قآدم الموآعيد .
يعطيكم العآفية ، وبالتوفيق لكم وبالتوفيق لميلآن .. ~ 