نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ۩ رآبطة عشآق الميلان .. النادي الاكثر تتويجاً بالعالم ][ 2011

M3AKS · #3076 02/10/2011, 09:01 PM

..

علي

و صالح

احترم وجهة نظركم , واستمتع بالنقاش معكم ..

الان اذا جينا لتايو وقلنا لاعب موب متعود على الكاليتشو وعلى اسلوب الفريق الدفاعي أكيد كلنا نتفق في الشيء هذا ..
لكن قبل تفكر في خبرة تايو لازم تعرف من هو البديل اللي راح يغطي الخانة ..
الان زامبروتا لياقيا ما يعطي مثل قبل , ولو تشوف مباراة نابولي واودنيزي وحتى البرسا تشوف هوايل ..
وش الفايده من لاعب يعرف التنظيم الدفاعي للمدرب بس ما يقدر يأدي المطلوب منه لان لياقته ما تساعده .. ؟

واذا صدقت الاخبار ولعب كراسيتش قدام زامبروتا فهذي مصيبه لانه لاعب سريع وما راح يقدر يتوفق عليه ..
تايو في المباراتين اللي لعبها شفنا انه ممتاز دفاعيا أكثر منه هجوميا وهذا المطلوب في مثل هالمباراة ..
ولو تتذكر مباراة البايرن الودية في كاس اودي كان تايو مقدم مستوى كويس مع انه يواجه روبن ..

الاختيار ما راح يكون صعب بين تايو وزامبروتا , ولكن الاهم انه يضبط الفريق كامل على هالتغييرات في الاظهره خصوصا لاعبي الوسط اللي قدام الاظهره ..

***

بالنسبة للكوتش أنا أحترمه كثير وأحترم كل اللي يقدمه للفريق ..

لكن ناخذها حبه حبه ( و على السريع )

# الموسم الماضي أخذنا الدوري بضعف الانتر وروما واليوفي + الميركاتو كان جيد وخصوصا الشتوي , وحتى فيه كم لاعب كان يلعبون بس في الكاليتشو يعني التركيز واضح ..
# في الابطال طلعنا قدام توتنهام وبهدف واحد من مباراتين , الفارق موب كبير لهم وهذا أكبر دليل انا كنا أفضل بس المدرب ما استغل الافضلية ..
وفي الكاس طلعنا بشكل غريب .. !!
# المدرب في التكتيك الدفاعي اعطيه 90 الى 95 % كتكتيك دفاعي وخصوصا أما الاندية الكبيرة ..
# لكن التكتيك الهجومي ما يوصل الى 60 % وخصوصا أمام الكبار ..
المشكلة الاعظم للكوتش - خصوصا الموسم هذا - اختياراته الغريبة لبعض الاسماء ووضعها في التشكيل في اوقات ما تستمحل التجربة ..

# عموما الفريق في الموسم الماضي وهذا الموسم تقريبا غطى الثغرات اللي كانت تأثر علينا من خلال الميركاتو , واللاعبين الجدد أخذوا وقتهم مع المدرب واعتادوا على بعضهم البعض ومن المفترض اننا نسوي شي اوروبيا هالموسم ..

طبعا تكلمت في هالوقت لاني ما أبي ارد وانا منفعل من نتيجة الكلاسيكو ايجابا او سلبا ..