| مباراة اليوم اكبر اثبات ان هرنانديز قاتل للمتعة .. تبغى تلعب باس اند موف ما يساعدك فيها يسوي الموف صح لكن الباس للأسف سيئ جدا جدا .. يا يحطها ضعيفة ولا يناولها غلط ..
اشوف اللي يقدمه فلتشر افضل من كليفرلي .. لكن اندرسون مع كليفرلي تحسهم متفاهمين اكثر .. الاول يطلع الثاني يغطي .. اليوم في كثير من الاوقات نشوفهم اثنينهم متقدمين واي هجمة مرتدة تجي خطيرة ..
برضو اجي للنقطة الأهم لا بغينا نرجع لمستوانا بداية الموسم لا بد من وجود ويلباك + اشلي يونق .. للأسف بارك في كثير من الأحيان يخونك بعكس اشلي وتفاهمه الكبير مع روني .. على الأقل ما ننحد على ناني باليسار .. ويلباك هاللاعب اكرهه ما ادري ليش لكنه يرد علي في كل مباراة سواء بتحركه ولا بمناولاته ولا بأهدافه وخصوصا اللي بالراس ..
ليندقارد حتى الان افضل من دي خيا .. ممكن دي خيا له صدات خرافية لكن بالجهة الاخرى تدخل عليه اهداف غبية .. ليدنقارد ما يصد صدات خرافية مثل صدة دي خيا ضد بازل برجله لكن تضمن ان التسديدات اللي من بعيد انه بيصدها .. واغلب المباريات اللي يحرسها يكون فيها كلين شيت ..
ماش من مباراة بنفيكا وفريقنا مخيس وأي هجمة خطيرة .. لازم واركز على لازم يرجع فيديتش وبجنبه جونز وهنا خل فالنسيا يمطرس على كيفه ..
هالاسبوعين بيرجع فيها الكابيتانو وكليفرلي واتوقع رافاييل وبكذا يكون فريقنا كامل والكامل وجهه .. من مباراة ليفربول وبعدها السيتي اقدر احكم على الفريق هل هو اللي رفعنا فيه بأول الموسم ولا لا ..
| 