السلام عليكم ورحمة الله وبركاته

أسعد الله أوقاتكم حبايبي الزعماء

حبيت اطرح عليكم أهازيج هلاليه أتمنى إن إسمعها في المدرجات إلهلاليه في القريب العاجل

هذي اهزوجه على لحن أجيبه يعني أجيبه
ويكون الجمهور كله واقف ويسون حركه الشبكه بالشالات ؤلاتنسون إن موبايلي تبرعت بعشرين ألف شال هلالي يعني كلنا منتظرين إبداعاتكم ياجمهور النادي الملكي
أخليكم مع الاهزوجه

بطوله ورى بطوله
.... هلالي منهو يطوله
وصعيبه والله صعيبه
.... حقيقه كل [ ن ] يقوله
وأداني وأداني داناه
.... واداني وأداني داناه
صعيبه والله صعيبه
.... حقيقه كل [ ن ] يقوله

وأهذي اهزوجه كلماتها بسيطه ؤاتوقع لو تكون على موال أحسن وان شاء الله تعجبكم

هلالي لا لا تتحدوناه كل البطولات بعيونه

وبالله ياللي تحبوناه خلوه بالعين بفنونه


شطحه : ترى الأهازيج السابقه كتبها أحد الهلالين في سنه من السنين وحفضتها وكتبتها لكم اليوم للتذكير فقط لاغير وأتمنى من صاحب الكلمات يعذرني


والهمه ياجمهور الزعيم والله كلنا منتظرينكم بفارق الصبر وكلنا ثقه فيكم وان شاء الله ماتخيبون ظننا وتكونون قدها وقدود
وأنا متأكده لو بديتوا بحماس وبتشجيع مخلص للهلال راح إن شاء الله نلقى كل اللي يرضينا داخل المستطيل الأخضر
واحنا كلنا معاكم قلبا وقالبا

ولا تنسون إن مباراتنا مع الطحالب هي منعطف خطير للهلال وإذا مأوقفنا مع الزعيم في ذي المباريات متى إن شاء الله راح نوقف


تذكروا دائما إن الهلال محتاجنا في وقت الشدائد أكثر من وقت السرائر وصعود منصات التتويج

أتمنى أني ماطولت عليكم وإذا طولت فالعذر والسموحه وأنا أختكم

فماان الرحمن يازعماء