عزيزي سهل
كيف الحال...??
السؤال هذا طرحه العالم انشتاين و يحدد فيه نسبة الذكاء عند الانسان..
و مدة حل السؤال هي ساعة عادة في الجامعات الي تدرس تخصصات كبيرة.. عموما طريقة الحل انك تسوي جدول للمعلومات الي عندك..
طريقة الجدول:
تحط الجنسيات في الجدول على شكل راسي..
و تحط الصفات الباقية بشكل افقي بالجدول و تبدا تطابق الصفات
من المعطيات الي عندك و تبدا تحط صح في حالة التطابق و خطا
في حالة الاختلاف في كل خانة..
خلني اعطيك مثال.. :
مثلا الرجل البريطاني قلنا انه يسكن في بيت احمر و بالحالة هذي نشوف المربع الي داخل الجدول و الي يلتقي فيه الرجل البريطاني مع البيت الاحمر و نحط صح و باقي الوان البيوت تحط عليها خطا لانه ما تخصه ..
و تبدا تكمل الجدول على نفس الطريقة هذي مع كل الصفات الي تخص الرجال..
و في النهاية بيطلع لك مربع فاضي بالنسبة لصفة تربية السمك لانه ما يكون موجود في المعطيات ..و شف المربع الفاضي هذا يلتقي مع اي رجل و بالحالة يكون هذا الرجل هو الي يربي السمك ..
الطريقة معقدة شوي و بتاخذ منك وقت و من نظرة للسؤال و بدون ما اقسم اعتقد انه الرجل الدنماركي... و الجواب يمكن يكون صح او غلط ..
لكن لو قسمتها على ورقة و اشتغلت عليها زين صدقني بتلقى الجواب و ابي احلها انا على ورقة بعد و اجيب لك الجواب مرة ثانية..
و تقدر تستحدم برنامج الاكسل فيه بعد ترى يفيدك كثير...