الله يعطيكم العافيه مرتين على التقديم .. الأول لأنكم بذلتو مجهود والثاني بدل مغثه !! شي ماهو زين انك خسران وتقدم الجوله هههههههه

إقتباس اليوفي بدء موسمه بقوة على عكس المتوقع واهدى جماهيره رباعية على مرمى باليرمو بمباراة كانت تقريبا من طرف واحد وهو اليوفي وكانت عبارة عن استعراض كروي جميل قدمه اليوفي لجمهوره المحروم السنوات الماضية سجل اليوفي هدف بالشوط الاول و3 بالثاني

باين تأثير باليرمو عليك .. اليوفي فاز على بارما ماهو باليرمو

---

روما & انتر

من الجوله الثانيه والي خسرو فيها كل الفريقين !! روما كان مستواه ممتاز لكن عيبه بانهاء الهجمه !! ولا الفريق مستحوذ على اللعب وفيه لمسات تحسسك انه مدربهم عنده تكتيك وعنده فكر !!
اما الانتر لا مستوى ولا نتيجه !!
وهذا الي يخليني اتمنى فوز الانتر عشان ما يكرشون مدربهم ويجلس معهم اطول فتره ممكنه


نابولي & ميلن

اقوى مباراة هالجوله وهم اكثر فريقين استقرار اداري وفني ودعمو فريقم بكم لاعب حتى شفنى مستواهم اوربيا وخارج ملاعبهم قدام اقوى فريقين باوربا رجعو بالتعادل !! يعني باختصار مباراة بتكون متعه واي نتيجه من صالح اليوفي لأنها بتبعد احد المنافسين !! حتى التعادل زين


اليوفي & سيينا

مباراة على الورق سهله ومضمونه لليوفي .. سيينا توهم جايين من الدرجه الثانيه وكان مدربهم كونتي الي بيقابلهم وهو مدرب لليوفي هو يعرف قدرات لاعبينه بسيينا وهم يعرفون تكتيك مدربهم العام .. يعني ممكن تكون مباراة غامضه شوي وان شاْ الله الفوز لليوفي

إقتباس يقولك مافيه شيء يدوم , واللي تشوفه متصدر الحين بكرة بينزل تحت ! لمكان لايعلمه إلا الله , انا أعتقد إن الجدول ماراح يظل زي كذا والدوري السنة هذي مع إن الكثير راهنوا على دخول الانتر وروما ولاتسيو واليوفي ايضا الا اني اقول وراح آكدٌ بعدين إن المنافسة هذا الموسم بين ميلان ونابولي

من اول وحنا نقول ان الدوري ميلاني لأنه الفريق مستقر وهو بطل الدوري العام والمنافسين مافيه الا نابولي يمكن ينافسهم لأن الانتر مدربهم خايس
اليوفي مدرب واغلب لاعبينه جدد ولا تدري هم يبون يسوون شي ولا لا وبعدين العام مركزه السابع وقبل العام السابع .. شلون يطالب بالدوري وهذا مركزه ؟ انا كمشجع لليوفي ابي الثالث وبكون مبسوط والسنه الي بعدها نطالب بالدوري .. وبرضه ما تدري يمكن يكون كونتي مفاجئه ويكون على قد الطموح لأن اليوفي عناصريا جيد لكن المدرب نوعا ما غاامض

--


مره ثانيه نقول الله يعطيكم العافيه على التقديم