|
كله منك يا ابن مساعد .. كم نصحناك بس ما سمعتنا!!
العنوان انا عارف انه راح يكون استفزازي لبعض الجماهير اللتي تقدر الرجل الكبير عبدالرحمن بن مساعد
لكن راح تشوفونه كثير بالايام الجاية من ناس لا تقدر مقدار العمل والجهد اللذي بذله الامير ,مع ان الجميع يعرف كيف عمل هذا الرجل واخلص وحقق جميع طلبات الجماهير بكلمة ابشروا, وعلى هالخشم.
وارجوا من الجماهير ان لا ترمي بفشل بعض العناصر على الامير عبدالرحمن , فلن نلوم الامير على سوء تغطية نامي الذي جعله ياتارا ممرً سهلً وعلى جهتة مكتوب (تفضل بالعبور فالطريق سالك) وان لا نرمي نرفزة ايمانا اللتي قد اجد بعض العذر لأيمانا بسبب بعض الملاحظات التحكيمية اللتي تجلب للاعب الغضب و ليست النرفزة فقط , لكن هذا ليس مبرر لأيمانا ان يتحصل على كرتين بهذه السهولة , فأنت لاعب خبرة فكيف تستفز بهالبساطة , وانا عرفت مقدار احباط ايمانا منذٌ ان رأيته يسنتر بعد الهدف الثاني فتوقعت انه لن يكمل باقي المباراة بحماس اللاعب اللذي لا يريد الهزيمة.
اما عن المهاجم يوسف العربي فهو حكاية ثانية , فانا لا ادري لماذا هو مصر ان يدخل مع الكورة بالمرمى. انت مهاجم ضعها بالزاوية ضعها من فوق الحارس يا اخي سدد مو تجلس تفرفر خلق الله و اخر شيء تضيعها.
اما المدرب فما ادري على أي اساس جعل الكوري بجانبه و لعب بمهاجم واحد , يعني النادي جايب اثنين اجانب مهاجمين ليش..؟! بعدين ياليت الكوري لعب بدل العربي فهو سريع وهداف ويسدد ومتمركز ممتاز وحماسي اكثر من يوسف .
بالله عليك يا دول, انت وش خايف منه عشان تلعب بمهاجم واحد؟
بعدين انت متأخر بهدف من الشوط الاول , يا اخي العب بمهاجمين من بداية الشوط الثاني وش انت خسران.
وبالله قولي بالوسط عندك الشلهوب والفريدي وايمانا و كل هجماتك من عند اسوء لاعب عندنا , نامي , بالله احد يخلي نامي يهاجم ,خليته يهاجم مره وثنتين وثلاث خلاص غير اللعب , العب من العمق ونزل الكوري مهاجم ثاني ورجّع العربي خلف الكوري والكوري يكون بالصندوق, المسأله مو صعبة ترى.
الكلام كثير وانا ما ابي اطّول عليكم, لكن اقول اصبروا على الفريق وان شاءالله بيكون المستوى تصاعدي بأذن الله , وحنا لازم نرضى باللي عندنا فاللبن قد انسكب ولا ينفع البكاء عليه , لكن حنا بأول الدوري والدوري طويل وفريق الشباب فريق قوي وهو المرشح الاول لبطولة هذا الموسم , والحمدلله انها اتت بأول الدوري ولم تأتي بـ آخره عندما تأتي مراحل الحسم .
اكتب هذا الموضوع و اغلب تفكيري مع الامير عبدالرحمن بن مساعد . والله يعينك ياشبيه الريح.
تحياتي
 | 