السلام عليكم
أنا صراحه شفت الشوط الثاني فقط لذلك بقول السلبيات اللي شفتها , صراحه مدري من وين أبدا روما عندها شي تقدمه عندهم الفكر والرغبه لكن يبقا الاصعب وهو التطبيق , مشكلة انريكي يبي يطبق طريقة برشلونه هنا , وهذي موب مشكله كـ عامه لكن مشكله كتوقيت , يعني يبيهم بسرعه يطبقون اللي يقوله ويبيهم يسون كل شي بوقت قصير , في برشلونه اللاعب من يومه بزر وهو يتعلمها كل يوم , وهذا يبيهم على طول يطبقونها !! يعني بالبدايه حاول تطبق بعضها مثل تناقل الكرات والضغط على الخصوم وهكذا , موب على طول تبيهم يسون كل شي !! , توقعي واملي انه يستمر انريكي لكن لازم ينتبه لشغله مهمه , لا يحط لاعب في مكان غير مكانه ويطالبه بمهمات ما يجيدها , مثل بيروتا اللي كنت اتوقع انه يقوم بدور بناء الهجمه , لكن وين بيروتا ووين هذا المركز , بوريلو بالمثل , اوزفالدو مهاجم قناص ومهاجم صندوق كيف تبيه يتحرك بدون كوره ويفتح ثغرات وتكون عنده حلول فرديه !! اذا كان ابرا ما قدر لذا المركز كيف تبي اوزفالدوو ؟ يارب كلامي يكون خاطئ بشأن الثلاثه ذولا وغيرهم كثير ما قلتهم , نجي للسلبيات في مباراة اليوم (في الشوط الثاني اللي شفته) :
1- بناء الهجمه البطيء جدا جدا , لأنه ماعندك لاعبين يبنون هجمه أبدتاء من السناتر , اللي واضح انهم مايجيدون هذا الشي , الاظهره لازم يكون واحد هجومي وواحد دفاعي مع عدم اهمال الجانب الاخر , هجوميا موجود انخيل , لكن الدفاعي مين ؟ المطفوق روسي ؟ ولا كاسيتي النكبه ؟!
2- عندك لاعب رائع في بناء الهجمه مثل جاجو وحاطه بالدكه وعلى حساب مييين ؟ على حساب بيروتا التايه ؟ وأيضا رجوع بيتزترو مهم جدا لذي النقطه !
3- الفريق قليييل ما يتحرك بدون كوره , والغريب ان الطريقه ذي من اهم متطلباتها التحرك بدون كوره , خاصه المهاجمين يعني شي غريب والله مافيه اي تحرك بدون كوره !
الفريق يستطيع تقديم الافضل توجد الرغبه بذلك لكن التطبيق يحتاج صبر , وبناء فريق صعب , عاد كيف بناء فريق بطريقه جديده على دوري كامل ؟!
بعض الصبر وسوف تفتخرون بروما
![Smilie47](images/smilies/smilie47.gif)
وتذكروا ذلك !