11/09/2011, 08:45 AM
|
 | زعيــم نشيــط | | تاريخ التسجيل: 21/02/2008 المكان: !! .. Xx Unknown where xX .. !!
مشاركات: 927
| |
. كنت جالس أناظر مباراة السيتي قبل مباراتنا مع واحد من العيال و أقوله أمنية برشلونة يحصل 12 نقطة من أول 4 مباريات لأني فعلاً ماكنت متوقع نسويها مثل اللي جالس يحصل من 7 سنين جالس أتابع فيها هالفريق ! اللي حصل اليوم وضع طبيعي جداً ، صح أن السيناريو يغبن بس ماقدمنا بالشوط الثاني شي يشفع لنا بالمحافظة على الفوز ! تعادل اليوم يذكرنا بخسارة نومنسيا و بعدها التعادل مع بيتيس بأول مواسم بيب ، الخسارة من هيركوليس الموسم الماضي ، حتى لو رجعنا أكثر بنشوف أننا متعادلين مع أوساسونا بأول مباراة بآخر موسم لريكارد ! لازم نحط ببالنا أن الليغا هالموسم - بتوقعي الشخصي - لن تكون مثل الثلاث سنوات الماضية الأول 99 والثاني 96 أو الأول 95 والثاني 92 ، بتكون ليغا صعبة صعبة وخاصة أنك انت البطل بالثلاث سنوات اللي راحت وهالشي يزيد الظغط عليك أكثر و أكثر ! غوارديولا ما ارتكب أي خطأ بتشكيلة اليوم والدليل أننا كنا متقدمين 2-0 ومقدمين أداء حلو ، لكن فهاوة الشباب بالشوط الثاني كانت السبب الأكبر ! الفريق للحين مانال النسق اللازم بسبب بداية الموسم واللي يزود الطين بلة توقف المنتخبات ، مافيه أعذار مثل ماقال بيب مافزنا لأننا مالعبنا كويس ! صح أنه بدري جداً نتكلم عن موضوع صدارة لكن ترا الريال كان المواسم اللي راحت يتصدر ببداية الدوري ! الضربة القاسية اليوم والخسارة الأكبر هي اصابة سانشيز ، فترة غيابه لو ثبت أنها من شهر ونص الى شهرين بتكون ضربة للفريق ، المشكلة أنه خلال الفترة البسيطة القادمة عندنا مباراة ميلان و أتلتيكو وفالنسيا  ! ** على فكرة ان ماخانتن ذاكرتي السيئة فان كلوس غوميز حكم مباراة الريال أمس هو نفسه اللي أهداهم بلنتي مارسيلو على ألفيس اياب الليغا 1 - 1 ، وهو نفسه اللي كذب بتقريره اللي رفعه على غوارديولا بعد مباراة ألميريا و أوقف بسببه بيب ! |
