انا والله ماعندي خلفية عن الالتراس ولكن
ببالي بعض المعلومات عنه وخدمته في تأجيج حماس اللاعبين
بكل اوقات المباراة وانه ما تكون مجموعة الالتراس جاية تتابع وتصمت

عشان كذا ومن هالمبدأ ..عندي كم اقتراااح يخصون مجموعة الالتراس
وهي ..تأسيس فرق لا تقل عن 250 عضو بالالتراس ولا تزيد عن 500 شخص
(و موجهين وقادة للفرقة لا يقل عددهم عن 5 و لا يزيد عن 20 كابتن)

الحد الأدنى يتواجد في الملاعب ذات السعة الأقل من 50 ألف متفرج
والحد الأقصى يتواجد في الملاعب ذات السعة الأكثر من 50 ألف متفرج


على أنه يكون هالـعدد ماهو هو العدد النهائي ..لكن يكون لكل منطقة راح يواجه
فيها الهلال فريق في الدوري مجموعة ورابطة ألتراس ..يعني الألتراس ما راح يقل
عددهم الاخير عن 5000 آلاف عضو على مستوى المملكة في مناطق متعددة يكونون في الملعب في كل لقاء للهلال بمنطقتهم ..


أهم شيء يكون لمجموعة الالتراس اهتمام خاص من إدارة الفريق يعني مايتحملون
أي أعباء تخص شراء التذاكر والحضور بسياراتهم ...عشان تضمن الإدارة الهلالية
وجود المجموعة في كل حال ..يعني تشتري لهم تذاكر وتنقلهم بحافلة لملعب المباراة
وتوفر لهم مستلزمات التشجيع (طبول + مفرقعات صوتية + ضوئيات + لافتات)

وبالنسبة للأناشيد والمقولات والأهازيج ..أنا على استعداد لدعم الفرق في كل لقاء بأبيات قصائد نبدعها من أجل الزعيم خلال مجريات الدوري تغنى في الالتراس...؟




وعلى الإدارة الهلالية تقدم مكافأت عينية أو مالية .في نهاية كل موسم رياضي كعربون ارتباط مع افراد الالتراس ..أوتسوي جائزة وتصويت جماهيري على لقب أفضل مجموعة ألتراس رافقت الهلال في المنافسات المحلية وتمنحها جائزة لذلك