نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || رابطة زعيم إسبانيا وأوروبا " البلوغرانا " لـ موسم 2011-2012 ||

Super Pep · #2803 09/09/2011, 07:57 PM

إقتباس


	طريقة لعب إبرا عكس نيمار , إبرا يملك إيجابيات وسلبيات ولكن بعض الإيجابيات لا تناسب فريق برشلونة وبعض الاندية اللي هو تأخير الكرة وإمتلاكها أكثر من اللازم يفيد بعض الاندية على عكس الاندية الاخرى طبعاً هذا اقرب مثال ... وكذلك نيمار يملك بعض الإيجابيات والسلبيات ولكن إيجابياته تناسب برشلونة اكثر من إبرا وطريقة لعبه ممزوجه بين ميسي وسانشيز طبعاً قلت ميسي موب على أساس يقدم نفس المستوى اللي يقدمه ميسي لكن طريقة لعبه او استايله قريب من الأرجنتيني .. ولا زلت اشوف أن نيمار مناسب لبرشلونة ولكن سلبياته الوغدنه الزايدة فيه وبيب جوارديولا يقدر يعدله خصوصاً أن عمره صغير ويسمع كلام اللي اكبر منه .... بالنسبة لقيمة اللاعب مثل ما قلت لك روسيل مثل ما جاب لعيبه بأقل من قيمتهم وخصوصاً من ابو خشم مهو عاجز عن نيمار وسانتوس ولا تنسى ان تربطه علاقة كبيرة في البرازيل ... وانا متأكد من روسيل إذا بيجيبه ما راح تزيد الصفقة عن 30 مليون !

طريقة لعب نيمار تناسب برشلونة من جهة و جهة لا ! ما تناسب طريقته نيمار مثل إبرا من ناحية إتحفاظه بـ الكرة لـ وقت طويل ! و هالشي واضح على نيمار إنه يحتفظ بـ الكورة لـ وقت طويل .. بعدين الوغدنة ترى نيمار يأثر على اللي أكبر منه ! مثل ما شفنا مع منتخبه شفنا كيف ألفيس 28 روبينيو 27 و مع ذلك أثّر عليه بـ قصة شعره خخ .. روسيل تربطه علاقات حلوة هناك لكن قريت بـ رابطة مدريد إن رئيس سانتوس يقول أبغى أفتح علاقة مع بيريز و ممكن يفتحها معه بـ صفقة نيمار

! صفقة سيسك كانت غريبة ! و ما تقدر تقيس عليها أي صفقة غيرها لـ أن صفقة سيسك اللاعب تنازل عن مستحقاته بـ النادي لـ عيون برشلونة و خصوصًا اللي صاير مع البرازليين اللي يدفع أكثر هو اللي يبي يحصل بعدين سيسك عروقه برشلونية يعني صفقة سيسك ما تقارن بـ أي صفقة غيرها !

إقتباس


	مهي مشكلة تقدر تجيب لاعب رأس حربه صريح خبره ما يتجاوز 15 مليون .. لكن الآن التفكير هو تأمين جميع الخطوط لسنوات طويلة بلاعبين شبان وتأمين بيب جوارديولا كمدرب للفريق لأكثر من سنوات قادمة وهذا ما فكر فيه روسيل قبل فتره وهو يعرض على بيب عقد ينتهي عام 2015-16 ... وهذا شي كويس من روسيل جالس يفكر بتأمين الفريق لكن المشكلة من بيب نفسه هو اللي رافض العقود طويلة المدى ... يعني سالفة الرأس حربه ما تاخذ وقت شوف لك اي لاعب مميز وخبره وعمره حدود الـ 28 تجيبه بأقل الأسعار .. لكن قلت نيمار لأن الاحظه من الآن موهبه وصعب التفريط فيها !

رأس حربة بـ 15 مليون من وين بـ تجيبه هذا ؟ لاعب بـ 15 مليون يقدر يقودك بـ الكلاسيكو ؟ يقدر يوصلك لـ التشامبيون ؟ إنت ما راح تجيب لاعب يدفي لك الدكة ! أو تجيب لاعب مع خيخون ؛ راح تجيب لاعب يسجل من أنصاف الفرص .. يقود هجومك إذا غاب راح تعاني في الهجوم أما لو جبت لاعب بـ 15 مليون حتى في وجوده راح تعاني خخ .. طيّب و إذا كان نيمار موهبة ؟ أي موهبة لازم تجيبها لـ فريقك ؟ شخصيًا أشوف سانشيز أفضل منه و بـ مراحل كثيرة

! حتى بيدرو أفضل منه !

إقتباس


	على اساس كذا قلت يجي بسعر قليل وطيب ليش ما ناخذ الجانب الإيجابي ونقول ممكن تنفجر موهبة اللاعب ويكون منافس على أفضل لاعب بالعالم ... اللاعب كل ما عطيته الثقة في نفسه راح يعطيك اكثر مستوى ويكسب ثقة جمهوره ويأدي بالشكل المطلوب ..

لو قلنا روسيل جابه في 30 مليون ! طيّب و إذا ما نجح

؟ راح تكون إنزرفت زرفة كبيرة و راح يتكرر سيناريو إبرا و طريقة إعارته البايخة ! ناخذ الجانب الإيجابي لكن لابد ما ننسى الجانب السلبي له ! نيمار دشارته و رعونته في التعامل مع الهجمات تعطيني تشاؤم كبير من صفقته !

إقتباس


	اللي يشوف ألفيس وأدريانو يقول ما شاء الله عليهم ما فيهم ولا ذرة دشارة ... النقطة هذي موب مهمة الأهم أخلاقه تكون كويسه في غرفة الملابس ولا يخلق مشاكل بين اللاعبين ويأدي بشكل حلو في الملعب ويعطيه العافيه ما قصر .. والباقي يسوي اللي يبي مني مسؤول عنه !

هم فيها دشارة ! لكن مع النادي كاتمينها خخ لكن لو راحوا لـ البرازيل و لقوا اللي نفس بيئتهم السيئة راح تظهر دشارتهم بـ شكل كبير و هذا اللي حاصل معهم ! و فيه فرق بين إن اللاعب يكون مرح و فلة ( ألفيس ) و إنه يكون ( داشر ) !
بعدين شف هذا المقطع و تعرف دشارة نيمار خخ /

Neymar and Elano

إلى الحين تبي نيمار خخ

؟

× ×

لي باك بـ نقاش تركي