نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || رابطة زعيم إسبانيا وأوروبا " البلوغرانا " لـ موسم 2011-2012 ||

BARCELONISTA · #2749 08/09/2011, 01:24 AM

سلام عليكم ..
اعتذر عن الغياب المفاجىء

.. و خصوصاً لـ ابو حميد هلالي كتلان

.. جامدة الذبة قسم خخ .. المهم /

تنبيه :

عندي كم نقطة يا ليت تنتبهون لها يا شباب في الرابطة .. و من اليوم و طالع قد اعذر من انذر .. المشاركات السلبية و الشات يا ليت ما نشوفه .. مشاركات ابو سطر ممنوعة .. نقل الاخبار و هو الأهم ممنوع .. عندك مشاركات مفيدة حياك الله .. ما عندك فيه مواقع ثانية تحب المشاركات السلبية كثير .. حنا تعبنا بكثرة التبليغات .. من الان اي مشاركة تبليغ + انذار من الاشراف .. لذالك اتمنى ما تحرجونا معكم ..

اللون احمر و حجم الخط 6 .. يعني محد عنده عذر و يقول ما شفت .. فيه بعض الاسماء تحت المجهر .. يا ليت يلتزمون أو بصراحة ما نحتاج مشاركاتهم .. فيه البعض اثبتو انفسهم و لهم تحية كبر برشلونة

.. و البعض ما زال يخالف الانظمة و انوع المشاركات السلبية .. المشرفين تعبو من كثر حذف المشاركات .. حنا تعبنا من كثر التبليغ .. مدري متى بيلتزمون البعض ؟ .. الشغلة سهلة و بسيطة .. تبي تثبت نفسك بالرابطة عندك شوية نقاط مهمة :

# الأهم .. ما تنقل اخبار .. ما تعرف تترجم ؟ مو مشكلة عندك موضوع سليمان مشرفنا الحبيب في الروابط تعلم منه .. ما تعرف .. مو لازم تترجم اصلاً .. نص الاعضاء ما يعرفون يترجمون و مع ذالك اثبتو انفسهم .. ايضاً اللي مسوين اذكيا و يحطون العنوان و صورة بس .. يا تترجم الخبر كامل يا جمع لك 5-6 اخبار زي ذا الطرييقة وتأكد انها ما ترجمت و اسدحها بالرابطة .. ام رد كامل عشان تحط لي عنوان خبر و الصورة خخخ ؟! .. ايضاً اللي يقتبسون الاخبار عشان يردون عليها .. ياليت تقتبس العنوان فقط .. ما يحتاج تنزل الصورة معه و الخبر كامل .. لأنك بكذا تخرب جمالية الرابطة ..

# مشاركات ابو سطر و ميسي فديتك و برشلونة اطلق ناس بطلوها يا عالم !!!! .. مدري وش الفايدة اللي تقدمها لنا بذا الكلام .. عندك كلام حلو تبي تكتبه كـ خواطر ما عندنا مشكلة .. جمع كلامك و نسق ردك بشكل حلو و متعوب عليه و اسدحه لنا .. فيه اعضاء كثير عرفناهم بهالطريقة و عندهم قلم مميز

.. ما تعرف تكتب خواطر زي كذا رح التويتر و لا المسن و اكتب ميسي احبك و انتهينا .. لا تجي تحب هنا فوق راسنا خخخ

!!

# السوالف و الشات .. همومك و مشاكلك خلها في البيت لا تسدحها عندنا خخخ .. عندك رد مفيد اسدحه

.. ما عندك رد مفيد يا ليت توفر على نفسك و علينا .. لأن مصيره الحذف + انذار .. ردود اللي متى مباراة برشلونة بطلوها يا عالم .. عندك موقع كورة او قبل كل مطش ينزل تقديم بالرابطة للمطش مع التوقيت و القناة و كلش .. ايضاً اللي يردون على التساؤلات ذي فالكم الحذف خخخ

.. ردود كيف حالك و باك بعد نومة مجنونة ما نبيها .. عندك بيبي ارسل للستة انا قمت .. لكن هنا ترى مالها دعي .. " اهم نقطة " ..

نقاط بسيطة .. اتمنى التقيد .. اعتذر اذا كان الكلام حاد للبعض .. لكن من افتتاح الرابطة و حنا ننزل تنبيهات بشكل ودي و نقول لعل و عسى .. لكن ما شفنا فيه تغيير و الرابطة للأسف للأسوء .. لذالك اتمنى تعذرونا ولحد يزعل منا اذا جاه انذار او حذفت ردوده .. طبعاً البعض يعرف ذا الكلام من قبل لذالك نقدر نقول انه مستثنى خخخ

.. سلام