الموضوع: ★★★.. رابطة عشاق اليوفي .. ][ Campione d'Italia ][ :: 2012-2011 :: ..★★★ ‏
مشاهدة مشاركة بصفحة مستقلة
  #11  
قديم 06/09/2011, 10:25 AM
الصورة الرمزية الخاصة بـ La Vecchia Signora
La Vecchia Signora La Vecchia Signora غير متواجد حالياً
محرر رابطة يوفنتوس
تاريخ التسجيل: 07/12/2010
المكان: Riyadh
مشاركات: 743
حظيظ وش دعوه اكيد ان اختلافنا مجرد نقاش , يعلم الله اني اقدرك و اكيّف على ردودك هنا وهناك

اول شي انا مابي اتكلم عن عهد قبل ماروتا .. انا اتكلم بوقته عشان ما نربط الامور ويتشعب الموضوع

ما ودي اكثر الكلام لأن كل واحد مقتنع بوجهة نظره عن ماروتا والعمل اللي قاعد يسويه , مع اني اشوفك متحامل عليه بشكل كبير جدا لسببين : اطلقت حكمك عليه من موسمه الاول ولا عطيته فرصة لنهاية هالموسم بعد ارتفاع جودة الفريق بشكل ملحوظ عن الموسم الماضي
والسبب الثاني انك ما اعطيت ماروتا العذر أنه جاي الفريق وهو مندمر بسبب الادارة السابقة

ومن الي سبب التخبط وكل موسم يتغير فريق كامل ؟

اذا استراتيجيتك تغير جلد الفريق كامل ( تخفض الرواتب أو تشيل العاهات أو مجرد الثورة عشان تسوي صدمة ايجابية للفريق ) طبيعي تسوي اللي سواه ماروتا انك تشتري درزن و تشيل درزن في المواسم الاولى
نابولي سواها قبل موسم او اثنين ونجح شوفة عينك , و روما مسويها هالموسم واتوقع ينجحون و الفال لنا هالموسم

اول شي يا حبيبي انت عطني فريق بالعالم يبني الدكه ويجيب لاعبين للاحتياط ويترك الاساس ههههههههههه
يا شيخ الغبي ما يسويها هذي .. ابن الاساس وبعدين الفروع ما تروح تشري لاعب احتياط قبل الاساسي

برضو مختلفين هنا تماماً

وش الخيارات اللي كانت متاحة بالميركاتو الصيف الماضي ؟

كان لك الخيار بين استقدام 3 لاعبين سوبر تخلص ميزانيتك عليهم بالاضافة للإحتفاظ بالخمام اللي عندك واصحاب الرواتب العالية وفي نفس الوقت تأخر حل مشاكل الإدارة السابقة ( راي موجي وأغلبيتكم )

او غربلة الفريق باستقدام 12 لاعب وبناء دكة للمواسم القادمة مع بداية حل مشاكل الإدارة السابقة بالتخلص من الخمام واصحاب الرواتب العالية ( راي ماروتا و رايي )

بعدين صراحة والله انكم بطرتو هالحين يوم ما بقى الا قلب دفاع وظهير أيسر ممتاز ويضبط الفريق كعناصر صرتوا تقولون ماروتا غبي ولا يفهم
ماروتا غير فريق كامل اساسي و احتياطي بصيفين و فترة شتوية بس !!

لكن انت بمتابعتك للميركاتو العام وميركاتو هالسنه ...
وش الاستراتيجيه الي تشوف انهم ماشين عليها ؟

الاستراتيجية اللي اشوفها يا طويل العمر مع اني احس سؤالك تهكمي

1 - محاولة حل جميع مشاكل الادارة السابقة ( تصريف اللاعبين العاهات واللي لهم مشاكل مع الفريق - تخفيض العقود المرتفعة - تغيير الطاقم الفني السيء )
2 - تخفيض معدل اعمار الفريق بكل الخطوط
3 - رفع جودة اللاعبين بكل الخطوط

هالثلاث خطوات يتم تطبيقها حسب الأولوية اللي كتبتها
في كل ميركاتو لمدة 3 سنوات قدام راح منها سنة وباقي هالسنة و السنة الجاية

الهدف النهائي التأهل للتشامبيونز بفريق يملك أساس قوي عشان يستمر

الموسم الأول راح وانتهى : البداية بتطبيق الاستراتيجية ومحاولة انهاء الموسم بأفضل مركز ممكن
الموسم الثاني راح نبداه : الاستمرار بتطبيق الاستراتيجية وتحسين مركز الموسم اللي سبقه
الموسم الثالث القادم باذن الله : الاستمرار بتطبيق الاستراتيجية مع ضخ مالي اكبر بفضل الملعب والتأهل للتشامبيونز بنهاية الموسم

احتمال كبير باذن الله نتأهل هالموسم للتشامبيونز وتنجح الاستراتيجية من ثاني موسم بإذن الله وينفجر الفريق بموسمه الثالث صح

هذا رايي وآخر رد لي عن ماروتا والميركاتو لأن الجميع محتفظ بقناعاته ومن الصعب يغيرها , والفيصل بينا راح يكون اداء الفريق بالملعب ان شاء الله ومركزه نهاية الموسم


---



اما لو يصير فيراري ستاديوم شي فخخخخخم من جد
شكلها بتصفى على روابط مباشرة يا عيال