الله يرحم أخوك ويجمعكم به في جنات الخلد
موقف أخوك والمعزيه وأنا أقراه لا شعوريا ً وقف شعر جسمي
اي والله صدق
بس بيني وبينك أحب أخوض في سوالف الجن أو أسمعها خصوصا ً إذا كنا في البر والليل كالح ومتجمعين حول النار والجو بارد
وتسمع سوالف عن هذا العالم الغريب فيها ماهو حقيقة وفيها ماهو من نسج الخيال
عمي كان يقص علينا موقف حصل له وهو شاب
كان جاي من الطايف للرياض ومر محطة يعبي بنزين ويوم جاء طالع من المحطة وكان الوقت بعد منتصف الليل
عند مخرج المحطة رجال لابس فروة ويأشر له يبيه ياخذه على طريقة هدى وقرب منه يوم يسأله وين ياعم قال خذني على طريقك يقول عمي حسيت بشعور غريب وشعر جسمي وقف يقول ألتفت على الرجال بعد برهة من الإبحار في خيالي إلا والرجال مبتسم وله أنياب طويلة ولسان غريب يقول زين كنت معشق وأنا اللي أفحط في وجهه وماوقفت إلا في الرياض

اللوحة اللتي تكلمتي عنها شفتيها في توسعة الحرم أعتقد إنها ( محبس الجن )
ساره طرحك ذو شجون
وكل عام وأنت ِ بخير