02/09/2011, 05:33 PM
|
 | زعيــم مميــز | | تاريخ التسجيل: 03/08/2005 المكان: في المنصة
مشاركات: 15,836
| |
الحمدلله متعيد برى الله يديمها بس بتكلم عن العيد بالسعوديه 
كل واحد منكم يروح يشغل التلفزيون وياخذ الريموت ويحط قناه دبي
ويشوف دعاياتهم عن العيد والاستعداد والفعاليات بغض النظر عن [ الحفلات الموسيقيه ] ,,
وشوف العروض والدعاايات وشعارهم عيَد في دبي
وحطوآ قناتنا الاولى شوفوا كتاب التربيه الوطنيه قديمين من سنه جدي
حاطين برج الخزان ثم برج التلفزيون وراهم العاب ناريه كآن ماحد عنده العاب ناريه الا حنا
ونفس الدقه والاغنيه [ ومن العااايدين ومن الفاايزين ,,ان شاءالله ,,] وفرحه العيد تجمعنا عيدنا سعيد يارب
بالله من عشر سنيين وانا اسمع هالاغنيه بالعيد غيروا شوي حسسونا انني تطورنا شوي
لا واول يوم العيد الليل 9,30 بالتحديد موعد ايش؟؟ ,,
العاب ناريه تشوف العالم بالدايري والشوارع اللي واقف وجالس فوق التنده حق السياره واللي منزل عياله
كأنهم اول مره يشوفون العاب ناريه وكأنها ماتنباع بالمعيقليه بـ 12 ريال
ولا الثوم الابيض ابو 5 ريال اللي يوسخ الجدران
مب لهدرجه سباكه ييامجتمعي الفاضل
ويينشرون كتالوجات فيها مواعيد فعاليات الله من زين هالفعاليات نفس حقه العطله الصيفيه
بس غيروا مكانها ومسرحيات حاطين وتصير مشاكل من اخوانا ماغيرهم
والرياض اول 3 ايام العيد الليل ماتنبغى بريال الشوارع فاضيه الاسواق فاضيه ويسمحون للشباب يدخلون
لان مافيها احد الا مطاعم
كأننا في مدينه اشباح سايلنت هيل ,,
حتى من الفضاوه نشوف الفيصليه منسدحه جنب المملكه سواليف وساعه صدر
لو تجلس بطريق الملك فهد وتفرش فرشتك وشاهي محد درى عنك لو تعطس سمعت صدى عطستك
من الشارع الثاني ماغير كاميرات ساهر بتصور هالعالم وتزرفهم بكشختهم
فا افضل حل رح انحش من هالديره بأي طريقه لو تروح روضه خريم
العب عَ نفسك وعش الجو آنك بفصل الربيع واجلس تحت الشمس الساعه 12 الظهر
خلها تصقع عَ راسك لين تحس انك نص استواء وخلهم يرجعونك بالاسعاف
عالاقل تقول مادريت عن هالعيد ولا تقول طقني الهم فَ العيد بهالديره
او تجول في ارجاء البلاد رح خرخير ولا صامطه ولا غيرها من المدن اللي مانقرا عنها
الا بالاحوال الجويه عَ ايام عبداللطيف العيوني وحسن كرانيي
اللي بوصله روحو للمطار اول العيد شوفوا العالم شلون تبي تنحاش
وبتعرفون وقتها ان الرياض مدينه عمل  |
