01/09/2011, 08:50 PM
|
 | زعيــم متواصــل | | تاريخ التسجيل: 12/09/2009
مشاركات: 151
| |
مسآكم الله بالخير جميعاً، وتقبل الله بإذن الله صيآكم وقيآمكم وصآلح اعمالكم يآرب في الشهر الفضيل، ومن العآيدين 
،
بالنسبه لوضع الفريق بعد طي صفحة الميركآتو
إذا على الدوري المحلي فإن لعيبتنا فيهم الخير والبركه وينغزا بهم بإذن الله تعالى وإن شاء الله نقدر نحآفظ على لقبنا يآرب.
اما على صعيد الشآمبينز ليغ، فما اشوف الفريق كفيل بأن يوصل لبعيد ولأدوار متقدمه بهذه الأسماء
كنا نرجي من الإداره لاعبين نعتمد عليهم على الوجهتين الأوروبيه والمحليه في إستقطاب اسماء رنآنه ولامعه اقل شي لاعبين ثنين.
لكن للأسف كنت متوقع واصآب توقعي وخذلونا وهالكلام قلته في السآبق يوم سآلفة فآبريقآس ونصري وقآريث بيل ومودريتش
وكنت حآس إنها مجرد تنبؤات تخديريه عشان يوهمونا وينعشونا بذا المفآوضات الخياليه اللي مالها اسآس من الصحه من قبل إدارتنا.
وانا بفندها وبفصلها ليش مآنقدر نقآرع في دوري الأبطال..
سيدورف، يظهر لنا في مبآراة واحده يقدم فيها عطاء واداء يطربنا ويمتعنا يخلينا نقول. هذا وينه عن جآئزة افضل لاعب بالعالم!
واربع مباريات عبء وحمل ثقيل على الفريق ويدمر ويموت ويعطل اللعب يخليني اقول ليتنا نلعب نآقصين ولا اشوفه في الملعب.
يعني ماهو من المعقول نمدح لاعب في جزئيه صغيره مجرد مباريات خجوله وطفيفه جداً ونحطه نمبر ون ونوصله لنجمة سهيل من كثر المديح والإشاده والتبجيل ونغتر فيه ونعيش جو المقلب.
ونتغافل ونتجاهل اغلب مآيقدمه من مستويات في الحضيض وهشيشه وركيكه .
روبينهو < اللاعب المهرج المسرحي الإستعرآضي في نص مباراة يقشهر لك كورة ويبروزها لك قدام المرمى بإحترافيه عاليه.
و3 ارباع اداءه فلسفه تموت اللعب ومهارات مجانيه ومآصخه ، بعيده عن الواقعيه اللي ماتفيد المجموعه.
كاسانو_ يتمشى في الملعب وكأنه يتجول في مجمع ومحتآر مايدري شيسوي وحآلته البدنيه والجسديه ثقيله وحركته بطيييئه، وماترجي ولاتتوقع منه شي إلا إذا كانه رآيق ومستكن
لاعب مزآجي درجه اولى، ليش انتظر إللين ما اشوفه مروق عشان اعتمد عليه!
قاتوزو< اكل عليه الدهر وشرب واصبح لاعب مستهلك وحمآسه الزايد يولد العصبيه اللي مردودها يكون مضر وعكسي وسلبي في تهوراته وتدخلآته على المنافسين،
ومآيقدر يجآري نسق ورتم المنآفسين إذا كان عالي لأن الفريق محتاج لاعب نشيط وسريع وحيوي يساند فآن بوميل، واتمنى امبروسيني او اكويلآني يكونون جيدين ويعطونا الإضافه.
يعني سينآريو دوري الأبطال ممكن يتكرر في بلوغنا لدور 16 وبعدها نحط يدينا على قلوبنا والله يستر من نطيح فيه عشان نقدر ونحآول جاهدين تخطي هالمرحله ولا لا
لكن لو سوقنا الشرائي عال العال وجبنا لاعبين مميزين ماراح نحآتي ولا نشيل هم من اللي بنواجهه في الأدوار المتقدمه.
لكن مع الأسف بتواجهنا صعوبات ، لأن دوري الأبطال صحيح مباريات اقل بكثير من الدور المحلي، لكن المنآفسين شراستهم كبيره وفريق واحد قوته تعادل قوة 3 انديه من مصاف الدوري المحلي.
/
بإختصار لانطلب من الليغري شي فوق طآقته بوجود بعض هالأسماء المتواضعه والخجوله.
،
وجهة نظر فحسب.  |
