إقتباس انا استغرب جداً جداً كونك عاشق للملكي وتقول ننتظر على فلان لين يتأقلم !!! موسم كامل مابيّن رغم كل شي

اختلف معاك

ياما نجوم جلست في افرقتها مو متأقلمه ومستواها متذبذب وجا الوقت وانفجرت فيه
بعض اللعيبه تحتاج ثقه وتركيز وصبر ومدرب يكتشف الاعب من جديد
( صحيح في لاعبين مهما سويت له ماراح ينفجر او يصير بطل بس استثني البنز انه يكون من هالفئه لأسباب
اولها ان مستوى البنز في تصاعد وشفنا البنز الموسم الي راح غير عن هذا الموسم )

لعب اكثر .. تأقلم اكثر .. هدّف اكثر .. اخف اكثر


غير ان السير طلبه وفينغر طلبه واليوفي طلبه وانتم تعرفون من السير ومن فينغر!
الكل مايختلف على انه مهاجم كبير بس مشجعين الملكي الي يشوفوه عاله!!

للأسف احنا فريق جاهز وانعكس الأمر على المشجعين
يعني باكر اذا موراتا ضيع فرصتين ثلاث بتطالبوا براسه او بيعه للدوري الهولندي او خيتافي!

غيرنا يصنعوا نجوم وشباب
المان يصنع .. الليفر يصنع .. ارسنال يصنع .. اليوفي يصنع

واحنا للحين في خلاف من الأحسن البنز او هيغوايين
والبعض عنده لاهيغوايين ولا البنز مو مناسبين لنا