نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || .. Real Madrid Fans 2011-2012 .. || .. ♥ رابطة عشاق الملوك ♥ .. ||

فارس الناصر · #2109 31/08/2011, 08:42 AM

إقتباس

الرسالة الأصلية كتبت بواسطة بطولات زعيم


	فارس ( قلب كبير قدا قدا ) بنزيما لا يطلب التمركز داخل الصندوق لانه موب مهاجم صندوق اصلا هو دوره حركي وتشتيتي بشكل كبير فاسمح لي تعقيبك بوجهة نظري جانب الصواب ولم تصب فكرة المو

هلا بسعادة المؤسس

بدينا نفك طلاسم تكتيك مورينهو شوي شوي

كلنا متفقين إن الريال أسرع فريق في بناء الهجمة المرتدة
عشان كذا أنت محتاج مهاجم وهمي
ماتحتاج رأس حربه صريح
وبنزيما يتناسب مع هالتكتيك أكثر من هجواين بكثير
وزي ماقال حكيم .. بنزيما يركض يمين يسار ويهايط في الكامب نو
كلامك أنا مقتنع فيه
لكن بنزيما ماتشرب التكتيك الجديد 100%

خط الوسط والهجوم بينهم سيستم عالي الدقة
وأهم نقطة في هالسيستم :
قبل لاتجيك الكورة أنت عارف كيف بتصرفها
مو تنتظر تأخذ الكورة وبعدين تفكر وش تسوي فيها
بمعنى
بنزيما صحيح يركض ويتراجع ويساند خط الوسط ويضغط على المدافعين وصار أحسن من العام بكثير
لكن تحس إن اللي يسويه جهد بدني فقط .. مايستخدم مخه شوي
شووف كونتراو ( مع إختلاف الادوار طبعاً ) لكن تلقاهـ متواجد في أماكن غالباً صح
تصريفه للكورة مرة حلو

(( ياناس بنزيما ماهو رجل المرحلة ))

إقتباس

الرسالة الأصلية كتبت بواسطة البلانكو10


	تعال يالطرمبه ! .. وش الي متفقين على ان البنز مو قد الطموح ! .. ابدا البنز يعتبر نجم ! .. ولاعب كبير ! .. وصاعد وقادر انه يتطور اكثر ! .. يوم اقول لو فيه احسن منه جيبوه مهو يعني ان الموجود مو قد الطموح ! .. .. البنز ناقصه الفعاليه بس ! .. والي اشوف انه قاعد يتحسن فيها حبه حبه ! .. من بدايه فتره االاعداد الين هدفه الاخير مع البرسا ! .. صحيح كان بأمكانيه يسجل اكثر ! .. لكن الولد يقدر يتطور في الموضوع ذا لو شد ع نفسه وركزوا عليه الطاقم التدريبي في الموضوع ذا ! .. بس لازم نصبر ونتظر فعاليته ! .. لانه الافضل والانسب ع ماشوفه ! .. مسأله انه يجيب العاشره ! .. تبقى حظوظ وتوفيق !.. ..

أول شيء بالنسبة للطرمبة >> شكرا على الإطراء
الطرمبه هذي حلى ويقولون عنها ( بلح الشام )
زي الفحسة والسلتة تقريباً

نرجع لكلامك :
تقول لي الولد نجم
نجم في عينك
شوف جهاد فيه فرق من طينة الأهلي السعودي

( روما - آرسنال - فالنسيا )
هذولا يبدووون الموسم عشان بس ينهونه .. يعني مايدرون ليش يلعبون
يفوزون ينهزمون يهايطون مااحد درى عنهم
وتكفيهم بطولة كل 5 سنوات ويعملون لها إحتفالات أربعينية

هذي الاندية يصلح لهم البنز .. ويمكن يكون عندهم إسطورة ويعملون له تمثال كمان

أنت تقول البنز ناقصه الفعاليه .. لا ياشيخ ؟؟
كأنك تقول خذ هالموتر النظيف اللي إستخدام حشمة لكن ترى مافيه قير !!!
أنت الله يعينك ترهم له قير من أي تشليح

أنت تقول الطاقم التدريبي يركز عليه في سالفة التسجيل
وش تبغى يسون له بالضبط ؟؟ هذي مافهمتها

ومسألة التوفيق في العاشرة ولا هي بيده
كلام صحيح لكن في موضع خاطئ
أنت ماراح تجيب ريان بلال للهلال وتقول إن شاء الله يجيب لي الآسيوية
أنت إفعل المسسبات وبعدها اترك التوفيق بيد الله

أرجع أقولك البنز هجواين نجوم شباك لكن في أندية غير الريال