الحمد لله على التعادل في هالظرووف اللي خلت الفأر يطلع من جحره ويفتح الملعب بعد كم مباراة كانوا قامطين على كاسياس.. وحاولوا انهم يستغلون غياب ابرز اللاعبين لكن الله ستر وكان تعادل بطعم الفوز ..
مبراة اليوم للنسيان بكل امانة وبغينا ناكلها من التشكيلة الانتحارية اول مرة اشوف مدريد يطلع من ملعبه ويهدد مرمانا ومن بعد هدف اوزيل قلت الله يستر من نتيجة قوية .. تياقو كانت المباراة اكبر منه بصراحة لاعب الى الآن ماتعود على الضغط ومصارعة الثيران في الملعب كان على الاقل انه يكون بديل في الشوط الثاني لتشافي.. واللي زاد الطين بله هو عدم التفاهم بين ابيدال وماسكي والتمريرات الخاطئة اللي بينهم ولو الله ثم ماسكي كان منتهية المباراة بفرق هدفين على الأقل وكان صراحة نجم المباراة مع اليكسيس اللي وفي اول مباراة له اثبت ان عنده الشي الكثير للنادي وبعد هذا الاداء فيا وبيدرو بيخافون على مراكزهم ..
وكيتا وانييستا ماقصرتو وكان يعاب عليهم البطء في تحضير الهجمات.. كيتا مايصلح انه يكون محور دفاعي في مساحات كبيرة في الوسط تمنيت من بيب اشراك بيكيه بدال تياقو ويتقدم ماسكي كمحور ، عموما المباراة انتهت بخيرها وشرها..
فالديز مايتحمل الهدفين ابداً وبيب تغييراته كانت منطقية نوعا ما..

يالبى قلبك ياشيخ من كورتين ميتة يصنع هدف ويسجل بعد .. وكان واضح عليه الارهاق لكن ان شاء وعدهم في الكامب نو وترجع لمستواك ..
فييا : لو ما جاء منك الا الهدف .. هدف خوراااااااااافي وان شاء الله فيا الموسم هذا غير ، صحيح ان اداءه الموسم اللي راح كان كويس لكنه دحدر في النهاية

ثور جديد ينضم الى قائمة الثئران الكثيرة في تشكيلة ثورينهو يسمى كاليخون ، داخل عشان يدافش مع اخوياه بيبي وخضيرة وراموس و..و.. اللي ماادري الحكم خايف من اشكالهم ولا وش السالفة .. واحد يلعب تايكوندو والثاني اختصاصي مفاصل من الدرجة الأولى ، صحيح فيه بلنتي لكريس بس طلع الكروت لهم خل يتأدبون ، راموس وحركته الوسخة اللي مع بيدرو المفروض يالله براا مع الباب ، بس اعجبتني حركة ميسي لثورينهو ان كان احد شافها يوم اشر له كنه يقول ماودك تدخل تدافش مع لعيبتك بعد .. عموما اسطوانة التحكيم مع كل مباراة موجودة وما اتوقع تنتهي لذلك مثل مالك اكيد بيكون عليك مو كل مباراة بلنتي ومدري ايش طيب شف اللي عليك واحكم ..

إقتباس قبل المباراة صرّح بيب غوارديولا أنه لن يوقع مع أي لاعب أو بالأصح مانتحرى أي لاعب بعد سيسك طيب بهالدفاع الجميل لازال بيثبت على كلمته؟ للأمانه الدفاع مب محل ثقة أبدأ