15/08/2011, 02:06 AM
|
 | مشرف سابق في منتدى الجمهور الهلالي | | تاريخ التسجيل: 21/02/2008 المكان: مدريــدي / ارسنــالي
مشاركات: 13,119
| |
مرحبا شباب اولاً / يشهد الله اني ماقريت تحليلاتكم بعد المباراة علشان كذا اعتذر منكم اذا قلت شي مكرر وسامحوني ثانياً قبل اتكلم عن المباراة.. ودي اطرح قضية مهمة لها اثر واضح في كل مبارياتنا مع برشلونة الشيء اللي اقصده هو نرفزة اللاعبين امام قرارات الحكم واعتقد ان السبب فيها هو بعض تصريحات موري صرت الاحظ ان اللاعبين يدخلون مشحونين وعند اول صافرة ظالمة يفقدون اعصابهم وتأثير تصريحات الكوتش باين عليهم صحيح ان لاعبي البرشا يمثلون كثير لكن هالشيء انعكس سلباً على آداء لعيبتنا ودائماً كان السبب في فقد التركيز وضياع المباراة اتمنى ان مورينهو يغير شوي من سياسته في التصريحات وحتى بعض تعبيراته اثناء المباراة اللي يعبر فيها عن امتعاضه من قرارات الحكم لعيبة الريـال يتأثرون واولهم بيبي وراموس وهالشيء مثل ماقلت واضح بالنسبة لي واحتمال اكون غلطان نجي للمباراة الريـال في بداية ولا اروع.. هجوم كاسح استمر الى منتصف الشوط حتى استطاع الحكم ايقافه بكمية من الفاولات وسط الملعب نصها غير صحيح ومغلفة ببهارات لاعبي البرشا حتى جت لمسة يد ابيدال وهي اعتقد افقدت لاعبي الريـال اعصابهم وخلتهم يخرجون من جو المباراة الى جو آخر ماهو جو كورة هدف فيا جميل.. وهدف ميسي ماهو مهارة بقدر ماهو ترك من المدافعين له يسرح دون أي التحام خوفاً من بلنتي لاعبي الريـال اعتادوا ان اي طيحة لميسي فاول مع كرت او طرد.. بعكس المسكين كريس اللي كل مباراة ينجلد ومافيه احد بالحمض للاسف يحسب لمورينهو تغييراته اللي اعادت التوازن للفريق واعادت اللعيبة الى جو المباراة دخول الممثل العالمي ( بيدرو طيحني ) خلاني احط ايدي على قلبي خوفاً من فاولاته وبلنتياته المعتادة وكاد يفعلها مع مارسيلو الحكم ظلم الريـال من جد وحرام ركلة الجزاء تروح وزد عليها العديد من الفاولات الاسطورية للبرشا الفوز في الكامب نو سهل قياساً على مستوى البرشا المتهالك اليوم فقط قليل من التركيز والهدووووووء ثم الهدووووووء ضد قرارات الحكم الظالمة المتوقعة مسبقاً صراحة ماتوقعت ابداً مستوى الملكي اليوم والفريق واضح انه مسوي شغل في الاعداد اخيراً اطلب من الجميع الصبر على كريم تراه والله نجم ومايتعوض.. اهم شيء الثبات على وجوده اساسي تحياتي لكم  |
