وش ها الاستديو الى من بدايته ملاقط

يالبيه يا البريمر مولع من اولها

انا بتكلم عن الى يخص فريقي (( انتبهو لفريقي وبس )) مو مثل بعض الناس الى قلبت تشجيع نيوكاسل وبتعصب بعد

الارسنال

امس ما قدم اي شي يشفع له بالفوز للأسف

يمكن الغيابات لها دور بس ملينا من ها الاسطونه وانا بيني وبينكم تمنيت ان

الفريق ما يبدع ويضرب بنتائج كبيره زي العاده ثم يجيك الشايب ويقول فريقنا كامل

ع الاقل خله يكتشف عيوبه وحنا تونا بدري

رامزي للاسف ما يعتمد عليه نهائياً امس قمة التوهان ياخذ الكوره ويلف ويرجعها

للخلف روزيسكي مع انه متحرك شوي بس يا قل بركته ها الادمي من العام

وهو اذا طقاها اساسي ما نفوز ابد

جرفينهو الولد كويس بس شكلنا موعودين بكالو نسخه 2

يفر ويعدي ويسوي كل شي بس مستحيل ينهي الهجمه الولد ماخذها فرفره ع الفاضي

النص عموماً النص امس كان داااج وعزانا الوحيد هو الدفاع كان طلقه بس يخوفي

ها الشي يخلي فينقر ما يعزز الدفاع ونروح ملح اذا اصيب احد من قلوب دفاع

......

جينا لسالفة بارتون و الوصاخه المعتاده والى 3 ارباع المنشستراويه يدافعون عنه

المشكله انهم يقولون يعجبنا اللاعب واندفاعيته ليه قاعدين نلعب ركبي مثلاً !!

يا عالم ترا ها المشكلجي سبب نفس المشكله العام مع ابو ديابي وانطرد عليها الخال

وهو خذ كرت اصفر بس سبحان الله انعكست الادوار العام انبرش على ابو ديابي

بغا يودينه لادغال افريقيا من تهور الانبراشه فقام الخال وشاله مع فنيلته يهاوشه

وخذك يا اطلق كرت احمر لأبو ديابي ليه تشيله مسكين ما يستاهل

وها السنه لاعبنا الوديع صدق انه دلخ يوم يلمخه على خشته بس برئ فى طيحه

ويجيك ها العربجي ويشيله مع فنيلته بغا يفسخه قدام العالم ويتكرر نفس سناريو

خوينا كرت احمر وهو اصفر سبحان الله يعني متى بياخذ هو احمر ما ادري !!

ع العموم المباراه راحت بخيرها وشرها وان شاء الله فينقر يحسن الاوضاع بكم تعاقد

واخوانا المنشستراويه خلوكم منصفين لو مره ترا ماراح يضربكم

ولا تنسون الدنيا دوراه

فمان الله