14/08/2011, 08:18 AM
|
 | عضو اللجنة الإعلاميه للرياضة العالمية | | تاريخ التسجيل: 23/08/2009
مشاركات: 1,453
| |
صصصبآح الخير , مشتآقين يَ مانيو مشتآقين   ’، الأخبار هالاسبوعين مَ تسر , من تصاريح السير باكتفائنا الى تلاشي حظوظنا بشنايدر الى بعض الاصابات كلها اشياء تضيق الصدر , لكن بـ اذن الله تتسهل وتزين وتكون المجموعة الحالية ممتازه وتنسجم مع بعضها باسرع وقت , الفترة الأولى بالدوري صعبة جدا  , ه الموسم ودي الفريق يكون حريص بشكل أكبر بمسألة عدم التفريط بالنقاط السهلة اللي تكون من فرق اقل امكانيات , لان بالاخير نقاط من فريق قوي او فريق ضعيف تحتسب برصيدنا او تحسب بأنها ضاعت علينا , ومع تطور بعض الفرق وتعزيز صفوف بعضهم اتسعت شريحة الفرق الطامحه والطموحات متعددة , دوري وتأهل لدوري الأبطال وغيرها وبطبيعة الحال حنا من الفرق اللي تنافس ع اللقب ومنافسيننا بالمواجهات المباشرة نسبة تفوقهم علينا وارده بنسبة أكبر من المواسم اللي فاتت .. وللكل واضحه الأسباب هذا اللي يخليني اتطرق لنقطة الحرص على عدم التفريط بالنقاط السهلة .. ’،  نجي لنقاش أبو مآلك ترى مسنتر بالرابطة 24 ساعه ولا اشوفك دايم   س1 : هل تتذكر شيئ من اللي سواه هذا الفريق فينا في الموسم الماضي ؟؟ 
ومير مَ نسيت شي من اللقائين الذهاب والاياب  الذهاب قدمنا شوط أول بطل وبهدفين وقلنا بتكون نتيجة كبيرة , لكن للأسف بالشوط الثاني هدفين لهم اتوقع من كبّة دفاع والثاني من ابو ساره اللي اخذ تقييم بهذيك المباراة 3/10 , وكان دخول روني بديل في هذيك المباراة حرّك ونشط الهجوم مع ان مستواه كان مش ولا بد , لكن مع ذلك استبسال الويست بروم كان خورافي ونشبوا لنا لين انتهت تعادل .. اما الاياب اللي ربي ستر علينا فيه من نيفل لما تسبب بضربة جزاء والنتيجة تعادل 1-1 واعتقد انه يستحق الطرد فيها لكن الحكم م احتسبها بتقديره , وبرضو توماس جناحهم الايسر البطل تسبب لهم بضربة جزاء وضاعت من اوديمنجي , وكالعاده خافيير يفك الازمة ويدخل بديل ويسجل الفوز .. وما انسى روح روني , لما اصيب بآخر الدقايق والتبديلات مستنفذه كلها , ولعب تقريبا 6 دقايق او اكثر وهو يعرج س2 : ما هي التشكيلة المناسبة للفريق أمام ويست بروميتش ألبيون ؟؟ دي خيا فابيو - فيدا - ريو - سمولينق أشلي - كاريك - اندي - ناني روني - بربا .. طبعا بهالحال كاريك يتأخر للتقليل من خطورة المرتدات واندي يتقدم بدون مَ يفلها , اشلي بيكون مطالب بمساندة فابيو بشكل كبير , وناني له الحرية الهجومية أكثر من اشلي لمساندة المهاجمين والنزول للعمق بما ان ورآه سمالينغ البطل دفاعيا , واما وضع روني وبربا ودي نفس الموسم اللي فات يكون بربا متقدم وروني صانع لعب خلفه مع تبادل الأدوار في بعض الاحيان مع اشلي يونغ , وفي حال ان الحلول تقل بهذا الشكل فـ ينتقل ناني يسار واشلي يمين , بكذا راح يشكل ناني خطورة مع فابيو لاننا نشوف ناني في كثير من الاحيان اذا من خلفه ظهير بطل ومهاري مثل فابيو او اخوه يكون دور ناني أكبر والخطورة من جهته أكبر س3 : سيناريو اللقاء , نجم المباراة .
مَ أقدر اتوقع كيف بيكون السيناريو بما ان الدوري في بدايته ودايم البدايات متقلبه .. لكن أتوقع مبدئيا الحذر الكبير من البروم بأنهم م يستقبلون هدف .. ويعتمدون ع المرتدات بوجود توماس واودمينجي , لكن بالشوط الثاني أتوقع بأنهم بيآكلونها من تراجعهم وبيصيرون يدورون هدفين للتعادل  س4 : نتيجة المباراة , مسجلو الأهداف .
2-1 لنا , ناني - ويلباك |
