نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - هدف ياسر القحطاني في ودية العين ضد الرفاع البحريني ( تحميل + مشاهدة )

جدعان · #11 14/08/2011, 04:59 AM

الله يوفقه مع العين بس صراحه لعبه ومستواه مثل ماهو ( رفعة ضغط )
حتى الركض يمشي مايركض
ثاني نقطه ياليت ياسر ينتبه لها لازم هو يبحث عن الكوووره
لاتتفرج يا يااااااااااسر لا تتفرج

كل لاعبين العين يركضون والتحامات ويدخلون على الكوره ,, ياسر يتفرج وش صار ياياااسر وش صار !!

ماهمني الا حفاوة الاستقبال اللي صار من العيناويه واتمنى مايخذلهم

الله يوفقك يا ياسر الله يوفقك وتبيض وجيهنا وتطلع منهم وهم يطالبون بإستمرارك يـااااارب

متحمس مع المباراة وان ياسر بيشد حيله بس تحطمت

إقتباس

الرسالة الأصلية كتبت بواسطة الافضل


	هذا منتدى الجمهور الهلالي اذا اي لاعب معار بنتابعه كان تابعنا الصويلح والعنبر والبرقان وغيره من اللاعبين والا عندكم انتقائيه خاصه ياسر الحين لاعب في العين المفروض ماينزل له اي شي في هذا المنتدى فيه منتدى اسمه الرياضه السعوديه بما انه لاعب سعودي واذا اعتبرناه في نادي عربي في منتدى الرياضه العربيه والعالميه تنزل مواضيع هناك انا عضو مايعجبني اللاعب ليش اشوف له مواضيع في منتدى الجمهور الهلالي وش بيفيدني دامه مايلعب معي مشكله هذا وانت مشرف وهذا ردك ترا له منتدى خاص نزلو اللي تبون هناك وشكرا

عجب !

اللاعب هـلالي لازال هلالي
اهداف ويلي ورادوي ونيفيز واجانب الهلال مع منتخباتهم وانديتهم اللي انتقلوا لها توضع اهدافهم وملخصات مبارياتهم وتثبت ليه ما احتجيت وطالبت بوضعها في قسم الرياضه العالميه ؟!

والبرقان والصويلح انتقلوا انتقال نهائي ولو كانوا معارين واحد وضع لهم مقاطع ما اعتقد المشرفين بيحذفونها كون اللاعب لازال هلالي
لكن محد كتب مواضيع تخص اللاعبين اللي ذكرتهم ,,
ياسر بالعربي له شعبيه كبيره ولاتقارنه بالصويلح والبرقان !

وعشان لا اتهم اني من جماهير ياسر

انا اول من طالب الاداره باعارة ياسر ولازلت على رأيي لكني اقول الحق