13/08/2011, 01:31 PM
|
 | زعيــم فعــال | | تاريخ التسجيل: 12/10/2004 المكان: الرياض
مشاركات: 451
| |
السلام عليكم ورحمة الله 
السطور ادناه طوييييييلة جدا و مليئة بمطاريس وبرابيس و طلاسم قد تحتاج لديكشنري هيروليغريفي صيني لترجمتها
طبعا كتبتها لاني أؤمن بالتخصص، وبما اني من جنبها في التكتيك...فققرت اتكلم عن الشكل التكتيكي للمباراة في جزء كبير منها 
اللي وده يجيه كسر بالترقوة او انحوال في القرنية او شلل اطفال او صلع يقرا ما سوف تخطه أنامل لابتوبي ... و الا طمر المشاركة الله لا يهينك
تشكيل الفريقين بدا يوضح بخصوص مسالة المصابين ، راموس و بيكيه و تشافي ان ومابهم الا العافيه
لا بيب ولا المو مستعد يفرط بالسوبر
كلامي راح يكون على اعتبار ان السوبر عبارة عن مباراة وحدة و راح تنلعب في ملعب استراحه يزيد 
لان كلنا نعرف خاصية الذهاب و الاياب وسجل بدري ولا يتسجل في مرماك الى اخره الى اخره الخ الخ
فراح الغي هالنقطة من كلامي
المبارة نتيجتها اختصرها بكلمة وحدة ... الشك
بيب
يبي يكتم فورة الريال ، يبي يثبت ان خسارة الكاس مجرد عثرة، يبي يبين انه اعلي كعب من المو ، يبي يثب انه رغم النجاح النسبي للمو(على الاقل في وجهة نظر المدريدين) الا انه قدر يرجع و يكتم بلفه
اثار الخسارة على الريال... الشك
الشك راح يدخل نفس المو قبل لا يدخل نفس اللاعبين او الجماهير او حتى ادارة الريال...طبعا الاعلام حدث ولا حرج
الشك انه هل الريال يقدر يجاري برشلونه؟هل الريال يقدر يرجع بطل في ظل وجود برشلونه؟هل المو عجز انه يفك شفرة بيب وفريقه؟؟
هل وصلنا لمرحلة اننا مالنا الا اننا نربط جهاد و يحيي و نلغمهم بقنابل و ندفهم على النوكامب يفجرونه باللي فيه ونضرب اكثر من حجر بعصفور واحد
(عملية المقارنه مع برشلونه بسبب ان برشلونه حامل لقب البطولتين + انه الافضل حاليا بالعالم )
المو
يبي يثبت انه قادر على حل لغز برشلونه ، يبي يثب انه برشلونه موضه وانه قادر على انه ينهيها، يبي يثبت ان الافضل لانه قدر يزعزع برشلونه من مكانه ، ببساطة ، لعبت معاهم اربع بطولات جبت اثنين وراحت اثنين ، وبدت ترجع المنافسه " نتذكر انهم سابقا ياخذونها رايح جاي"
اثار هالشي على البارسا،،،، الشك بيدخل في نفوسهم،،، هل بيب فعلا مو قادر يواجه المو؟ هل بيب مو قادرانه يطلع يلخم المو ويفوز عليه وهو بطل السداسية؟هل كبر عمر تشافي و انيستا له دور؟هل برشلونه خلاص؟ وصل للقمة و الحين جا وقت الدحدرة؟؟ هل زرع السبيشل ون الفايروس المدمر في سيستم برشلونه؟
(المسالة اللي فوق مو معناها انه خلاص انتهي التنافس او اننا ماراح نخسر قدامهم ابد... المسالة مجرد بداية لعملية مداورة في الانتصارات و البظولات قد ينتج عصر انتصارات مدريدية متتالية)
برشلونة
لن يختلف كثير عن برشلونة اللي نعرفه ، مداورة الكورة الين يلاقي الثغرة و ثرو و هدف ، الاكيد ان لا هدف ولا اثنين بيكونون كافين عشان برشلونه يرجع يدافع... لانه مو اسلوبه... ثانيا وهو الاهم برشلونه عنده ثقافة الدبج ، ماعنده نظام هدفين ضمنت المباراة، خصوصا مع الترسبات السياسية و التاريخيه بين كتلونيا و مدريد
الريال
هنا مربط الفرس... رغم التعزيزات الجديدة الى ان المو ممكن يستمر على نفس اسلوب المواجهات الاخيرة بالتقفيل و محاولة خطف هدف ، او التقفيل و البدء بالمبادرة في اخر نص ساعه (مخطط الابطال الي ابطل بشكل فعال)
في هالحالة ماحد بيلومه...اول مباراة بالموسم قدام برشلونه..يمكن مالقي الوقت عشان لاعبيه يتشربون طريقة جديدة، العب بالمضمون، بالاضافه الى ان العناصر اللي كتن ممكن تكون مفاتيح في لقاءات برشلونه مصابة (شاهين و بنسبة اقل التنتوب)
هل بيحاول يجاري برشلونة ويمسك كورة ويبني هجمة؟
هل بيكون مقفل بس بيحاول يلعب كور طويلة للمهاجمين؟
المهاجمين اتوقع ان الموشرات واضحه . البنز اوزيل و كريس
طيب الوسط و الدفاع
ممكن
مارسلو كارفا راموس اربيلوا
بيبي الونسو خضيرة
مارسلو كارفا راموس اربيلوا
كونتراو بيبي خضيرة
مارسلو كارفا بيبي راموس
كونتراو الونسو خضيرة
ممكن في وجهة نظر تقول
يشيل اوزيل و ينزل كونتراو ويصير الشكل
مارسلو كارفا راموس اربيلو
كونترا بيبي الونسو خضيرة
البنز كريس
بالتشكيل الاخيرة بيكون
1)لعب باسلوب مشابه للقاءات الموسم السابق
2)قفل على الفيس بمارسلو وكونتراو
3) بيبي مع حبيب قلبه ميسي و ضغط و تكثيف دفاعي من كونتراو
4)مزج النقطتين اللي ذكرهم جهاد في موضوع الونسو...تقدر تلعب طويل و بنفس الوقت كونتراو زيادة عددية ، او حتى مارسلو في هجمات معينه مع تغطية كونتروا
الباش مهندس جهاد
انا مو فاهم وش قصدك بان برشلونه ما بادر بالهجوم؟ولا مستوعب انك تقول اننا بقينا بدون حلول؟؟
شفت المبارايات مع القاد فاذر أبو أصيل وكننا نقول يمدينا نسجل ، واكيد تتذكر سواء في الكاس او اياب الابطال هجمات خطرة لنا سواء راسية هيقوين اللي بالعارضة او هدف بيبي اللي الغاه الحكم
كتبه لكم
واحد صايم...راح الدوام مو نايم |
