إقتباس الرسالة الأصلية كتبت بواسطة ahmed-usa بالنسبة للالتراس الهلالي منذ بداية نزول مواضيع الالتراس والاقتراحات تم الاتصال ومحاولة التنسيق مع المسئولين في منتديات الالتراس وصفحة الفيس بوك وقروب الماسن واتضح أن ما يكتب فقط مجرد أفكار واقتراحات وبدون اعضاء ومجرد حماس في المنتديات فقط نفس ما رأينا في الموسم الماضي من مواضيع الرابطة الاوروبية ومثل تلك الافكار والاعمال تحتاج إلى ( أفعل لا أقول ) . ويتم تعليق فكرة الالتراس لحين وجود اعضاء يتبنون الاشراف التام وجلب الاعضاء للالتراس الهلالي وستكون مهمة المجلس أن يكون تحت مظلته وليس له علاقة بالالتراس الهلالي لانه منظومة مفصولة عن الرابطة والمجلس ولكن بنظام معين اعداد الموضوع تركي الهديب ــــــــــــــــــــــــــــــــــــــــــــــــــــــــــــــــــــــــــــــــــــ السلام عليكم ورحمة الله ... بصراحة صدمني وأحزني بنفس الوقت تجردكم من فكره الالتراس و كأن الموضوع لا يخصكم !! أجل وش بيكون دوركم ي مجلس الجمهور الهلالي ؟؟ لأننا ما عاد نبي مايكروفونات و لا أغاني تقليدية منتشرة عند الأندية كلها ... نبي التشجيع الجماعي فقط فقط فقط لاغير بدون مايكروفونات ي نآآآس ... المفروض تتبنون الفكرة وتعملون تغيير جذري كامل بدل الرابطة الحالية وتتحملون بتكوين رابطة الالتراس لانكم أنتم مسؤولين على كل أمور المشجع و كل مايخص النادي من تحفيز وتشجيع في المدرجات ... نادي الاتحاد والاهلي بدأو فعليا برئاسة القرني رئيس رابطة الاتحاد و رئيس رابطة الاهلي بتبني الفكرة و بدأو تطبيقها من الآن قبل الموسم .. وإنتوا هاللحين منزلين الموضوع على آخر الإجازة و مع ذلك موضوع تحطيمي لفكرة الالتراس .. قلتوا سوف يكون أعضاء الالتراس تحت مظلتنا , أجل أنتم المسؤولين بتكوينهآ .. ع العموم أنأ متأكد التشجيع بيكون تقليدي ومواوويل وجلسلت طربية ( تفششششل ) وإن تطورا التشجيع الهلالي كم ألف قطعة وغير منظمة وبيقولون فعلنا المستحيل والجمهور غير واع و و و لكن كان من الأساس تستغل ه الاجازة في ترتيب الأفكار ووضع حلول شاملة ووافية لتطبيق التشجيع الاوروبي ... مدامك موجوديين موجوديين والتشجيع الحاصل الآن غير مرضي لأي مشجع هلالي ووجودة زي عدمه فـ أنا أشوف ألغوا التشجيع والرابطة من الأساس خلونا نقعد بدون أي تشجيع ولا رابطة , نبي الملعب يقعد هادئ وصدقوني بعدها بيتحركون المشجعين القادرين على تحمل فكرة التشجيع الاوروبي , لكن المشكلة إنكم فيه ومالكم نية بتبني أي فكرة يبيلها مجهود جبار وتنظيم فـ تأكدوا إن الوضع بيمشي على ماهو عليه ..

والله كلام سليم وعين الصواب يا ليت تشوفون رابطة الاهلي والاتحاد وين وصلت وحنى لسه يا هلال عزك عزنا