صاحب العين الجميله ... ( تهقون بالمباراة يمديه يشوف الحارسين بنفس الوقت ؟ )

ابي اتكلم عن الي جالس يسويه الحين ...

العام كان نظامه عشوائي واقرب ماله غبي !! وفيه الف علامة استعجاب ( جديده ) على شغله .. من تصريف كامو لتريزي ودييقو وجيبة بيبي وموتا وتوني وديل نيري .. وفيه شي ايجابي وهو كراسيتش وكوالياريلا ويجي بدرجه اقل منه ماتري !! مع اني شخصيا اشوف ماتري اخذ اكبر من حجمه وماهو ستايل انديه كبيره ( وجهة نظري ) يعني اتوقع ما يبطي وهو اساسي ويمكن كوالياريلا ياخذ مكانه ..
وغير تفكيره انه يا ايطالي ولا ما فيه

السنه هذي او الميركاتو هذا الى الحين ازين من العام بكثير . يعني اشتغل على سد الثغرات وحاول يختار النوعيه الجيده شتاينر .. وفوزي .. وفيدال
وفيه موتا مادري وش يبي يجدد معه !! وتصريف اكويلاني اعتبره غلط كبير منه !! دامك صرفت ميلو وسيسوكو اكويلاني جلسه ..
كونتي ... انا اشوف انها مغامره كبيررره يعني المدرب ممكن يكون بطل وممكن يكون افضل مدرب بالدوري وممكن وممكن .. بس برضه ممكن يكون هو سبب تدمير النادي من جديد . مافيه تاريخ له ولا تدري هو ممكن يكون بداية اسطوره تدريبيه ولا لا ..
فريق زي اليوفي متعطش لبطولات وفاقد لشخصية البطل وماعنده وقت يصبر على اداره او مدرب او لاعب
بهالحاله لازم تلعب على المضمون .. ما تشري على احتمال تجيك اربعميه .. لكن تشري لا صار معك صن يشق وجه الي قدامك شققق
الاداره معه سيوله وقدرت تجيب كم لاعب يخدم الفريق !! وبرضه لاعبين تقدر تقول عليهم مضمونين
وبما ان الاداره ما تبي تغامر بباسكواتو وايكدال وجالسه تعيرهم لين يكونون ابطال ويكون عندهم خبره وجابو بدالهم فوزينيتش وفيدال وبيرلو وممكن فارقاس وجابو شتاينر ..
كل هذا الشي الي يسوونه صح ويعتبر يلعبون على المضمون .. كان من المفروض من وجهة نظري يجيبون مدرب بطل .. يعرف شلون ياخذ بطوله.. شي مضمون .. الي دايم يطلع يتصيد ومعه بارود غير الي اول مره او ثاني مره يمسك البارود !! مع ان الثاني ممكن يكون بالمستقبل افضل من الاول .. لكن بالفتره الحاليه صعب انه يصير افضل

---

خلاصة الكلام انه الفريق الحين عناصريا ممتاز .. بس باقي توفيق الله ثم المدرب !!

وفيه نقطه ثانيه مادري انا تكلمت عنها هنا ولا بمنتدى ثاني .. المهم

اليوفي الحين بيده فرصه انه يرجع يسيطر على ايطاليا من جديد .. في حال لو الفريق جاب بطوله الموسم الجاي
وممكن بعد حتى لو ما يتصدر الدوري ويكون الثاني او الثالث . بس المهم انه ترجع الشخصيه وانه الفريق يلعب باريحيه وبدون ضغط انه ما اخذنا بطوله ...
والسبب انه المنافسين حاليا بدو يضعفون ومع الوقت بيضعفون وانت بتقوى .. الانديه الايطاليه كلها بشكل عام راح يصير دخلها اقل من دخل اليوفي بكثير .. والسبب انه مافيه نادي ايطالي يملك ملعب ويجيه منه فلوس وعوايد ماديه كبيره .. فما بالك لو وافقت هالفلوس الي من الملعب الجديد + فلوس بطولات = كل منافسينك بينهارون قدامك
ولا راح يجيبون اي لاعب بقيمه كبيره خاصه ان نظام بلاتيني الجديد بينتف جنحانهم..

عشان كذا كنت اتمنى انه يكون فيه مدرب بطل يمسك الفريق

ميلان الي جاب الدوري ..... كان افضل السيئين

بالله هذا فريق ياخذ دوري ؟؟؟ شوفو الوسط بس

قاتوزو .. بوميل .. سيدورف
بواتينق

بالله هذا وسط ياخذ السوبر ؟؟؟ قسم بالله عاهاااات صح بوميل بطل لكن لو تشوفون اعمارهم

قاتوزو 33 وبوميل 34 وسيدورف 35

شيبان مجمعين !! وحتى بواتينق ماعندك احد اللهم انه يدوبتس(يركض) بس نافعهم هجومهم قوي وكان عندهم اصرار على انهم ياخذون بطوله وهذي الي تنقص فريقنا


ونفس الكلام الانتر اغلبهم شيبااان .. عاد الانتر مصيبتهم اكبر هههههههههههههه جابو مدرب الله بالخير

جاسبريني عااد ؟؟؟

طولت بالكلام بس حبيت امدح ميركاتو اليوفي الى الحين واتمنى ما يخربه حويلاني ويتهور ويطلع كوالياريلا