مع احترامي الشديد للجميع ،،،

نقد غير دقيق ابدا وغير منصف ،،

وكاني اشوف عملية ضغط نفسي زيادة على أكثر من محور ،،

أولاً ربط نجاح الادارة فقط ببطولة آسيا وانه مهما تجيبون من بطولات من غير آسيا فذلك يعتبر فشلا ،،،
ثانيا حكاية انك يا سمو الامير قطعت وعدا على نفسك انك لازم تجيب بطولة آسيا وإذا ما جت ذي البطولة فإنك لم توفي بوعدك،، هنا اقول إن الادارة جميعها ومعها الاعلام الهلالي جانبهم الصواب في التركيز الاعلامي على بطولة آسيا مع العلم ان التركيز الاعلامي قل في الموسم اللي بعده وقل أكثر في الموسم الثالث وإن شاء الله ما نشوف ولا نسمع الاحتقان الاعلامي والتصاريح النارية في هذا الموسم اللي القصد منها التحفيز وفي النهاية تكون عملية ضغط ،، أتمنى ان نترك بطولة آسيا لوقتها والتفكير في كل مباراة وفي كل مرحلة على حدها ،، هذا جانب أما الجانب الاخر من هذه الجزئية فسمو الامير ومن معه يعملون ويجتهدون وكل سنه بطولة إن لم تكن بطولتين (( لعن الله أبليس )) غيرنا يحلم لو ببطولة حواري واحنا ولله الحمد آخر ( سبع مواسم ) جايبين (13 ) بطولة وتقول ما معناه انه لن يشفي غليلك إلا آسيا ،، اسمح لي كانك تتكلم بغير الصوت الهلالي أو كان التفكير نوعا ما محدود ،، يا اخي كلنا ودنا في آسيا حالنا حال غيرنا اللي يسمع كلامك يقول ان الهلال ما قد جاب ذي البطولة ،،، وإن شاء الله بتجي إذا مو هذا الموسم في المواسم القادمة ،،، وتذكر انه أول ما نحصل على بطولة آسيا راح تكون للمرة السابعة ،،، .

أما من ناحية إعارة ياسر فهذا رايك وانا اختلف معاك في هذا الرأي ،،، وياسر بحول الله راجع لمستواه الأول وأحسن بحول الله ،، ياخي غيرنا صابر على ( الحارثي ومالك ) وما تبينا نصبر وندعم ياسر ،، من رأيي ياسر يبي له صانع لعب صح مع مهاجم جنبه وبتشوف الابداع ،، أما لحاله قدام ولا فيه صناع لعب صح فوالله ما الومه حتى لو نزل مستواه ،،

هوساوي أجل تبي الهلال يتركونه يروح ( والله هذي أمنية أي مشجع غير المشجع الهلالي )
والسبب أنه يبي يلوي ذراع الادارة حسب رايك ،، ليه سلامات الرجل محترف و يبي يضمن مستقبله حاله حال غيره وإن شاء الله يتم له ذلك داخل اسوار الهلال ،،، حبيبي اسامه لو كان برا الهلال كان الهلال يحاول فيه ولو يدفع ( 30 ) مليون ، هذا ابو كلبشه ما نسانا تفاريس في عزه إلا هوساوي ،،،

أخيراً هل تتوقع أن الامير راح يقصر بشيء يشوف مصلحة الهلال فيه وهو قادر عليه ،، إذا تتوقع هذا الشيء فمن باب أولى انك تطالبه بالرحيل ،،، يا اخي مع كل اللي قلته وذكرته في موضوعك بسألك سؤال ،، ما هي أفضل إدارة مرت على الهلال بتاريخه ( إدارة تشغل صح وتدفع شي يعور القلب مو أي كلام ) أما التوفيق فهذا شيء آخر والله سبحانه وتعالى كفيل به ،،، .

ارجو المعذرة اذا كان هناك تجاوز في الرد ،،،

لكن هذا الازرق ، وهذا بن مساعد اللي إحنا محسودين عليه ،،،
واخيرا الحمدلله أني هلالي ،،،