07/08/2011, 11:07 PM
|
 | عضو اللجنة الإعلاميه للرياضة العالمية | | تاريخ التسجيل: 23/08/2009
مشاركات: 1,453
| |
ولكممممم بآك عمممر فليتشر , الحمدلله ع السلآمة وعآش من شآفك ومبروك عليك الشهر يَ بعدي ..  ’، مبروك مآنشستراوية .. فوز حلو خصوصا بالسيناريو هذا , يشكل رهبه للخصوم في المواعيد الجاية وبرضو ينمي الايمان بالرجعه لأجواء المباراة في قلوب لاعبينا خصوصا الشباب منهم الصاعدين والجديدين ع الفريق ويبعد عنهم اليأس مهما كان التأخر بالنتيجة , هذي تقريبا أكبر الايجابيات من ه السيناريو ..  كآريك , هذي مشكلته .. اذا صار بالفورمة يملى العين وتدعي انه يستمر مثل مَ كان يقدم بالتشامب الموسم اللي فات , كان يعطي دروس تكتيكية بمركزه , لكن للأسف انه مَ يستمر واذا انخفض مستواه يحبط كل محبينه أتوقع بنسبة كبيرة نقطة التحول اللي صارت في الوسط هي خروجه ودخول كليفرني الا وش وضعه ه الرابق .؟  قدم مستوى بطل خصوصا بالمساندة الهجومية لأن اغلب الفترات اللي لعبها اليوم كان فريقنا ككل يظغط على السيتي فـ شفناه بادوار هجومية وما اختبر بالمساندة الدفاعية كثير , أتكلم عن ه الشيء بحسب مركزه بأنه لعب كـ محور بجانب اندي , أطربني للأمانه أشلي ! الشوط الأول كنت ادقق عليه كثير كان سيّء ! تمريرات عادية ومنها تجي خطأ وعرضيآته كـ جناح مَ شفناها ! توقعت خروجه .. لكن الحمدلله اللي بقى وصار مغاير بالشوط الثاني خصوصا بعد هدفنا الأول لاحظته بعد الهدف كان يستعجل اللاعبين بالتمركز لاستدراك الوقت وطلعت فيه الروح وشوية حمآس .. ه الشيء اذا توفر به بيكون قتالي أكثر ويظهر شي من مستواه مثل م كان مع الفيلا , وفعلا تحسّن بالشوط الثاني صحيح م وصل للمستوى اللي نتمناه لكن نتطمن بأن اللاعب باقي عنده اشياء بنشوفها منه .. أندي مَ كان بذاك الامتياز , لكن ع الاقل مقدّم مستوى حلو , فيه شيء عاجبني كثير لكن يحتاج تطوير أكثر سواء من نفس اللاعب بأنه يركز أكثر أو من المدرب يوجهه بطريقته .. اللي هو التمريرات البينيه .. فيه كذا تمريره سواء للأطراف أو بالعمق كانت فكرتها ممتازه لكن بعضها يكون تنفيذها سيء وتكون سهله لدفاع السيتي وبعضها يتقنها وعلى طول تكون هجمتنا خطيرة بسبب الذكاء في بداية الهجمة .. ه الشغلة هي اللي تقريبا تخليني اقول اندي لازم يتطور أكثر ويكون مساند بالمهام الهجومية بشكل أكبر جونز , جرئته حلوه وثقته بالنفس برضو حلوه , شيء حلو نضمن التنافس بينه وبين سمالينغ في حال اصابة واحد من السناتر الريو وفيدا , < فيس يناظر ايفانز .. رآحت عليك يَ صديقي  ’، بخصوص التبديلات , اظن اغرب شيء حصل هو تبديل السناتر دفعه وحده ! توقعت التبديلات كلها تكون بالوسط والهجوم لتجربة بعض اللاعبين .. وأعتقد تبديل السناتر مب لتعديل الأوضآع كثر مَ يكون فرصة لإثبات الوجود لـ الشباب .. لأن الاخطاء الدفاعية بنسبة كبيرة من ضعف المحاور دفاعيا , ولو كانت العلة في السناتر اعتقد يملكون من الخبرة الشيء الكثير وبتوجيه من السير بيتعدلون مب يطلعهم .. التبديل اللي اشوفه لعمل الفارق هو تبديل كليفرني بكاريك .. وفعلا شفنا الفارق بالوسط وشفنا مساندة هجومية منه واستلام وتسليم بشكل سليم وممتاز .. دخول رافا تمنيته , لكن افضل بكثير لو كان ظهير أيمن بوقت مبكر لأن ناني مسوي شغل كبير ومحتاج مساندة هجومية بشكل أكبر من مساندة سمالينغ , مثلا لما طلعوا السناتر ريو وفيدا يكون البدائل رافا وجونز وينتقل سمالينغ قلب دفاع مع جونز ورافا ظهير ايمن بـ استمرار ايفرا باليسار , كذا الشغل بيكون فعال أكثر اما جيجزززز يكفينا عرضيته بالشوط الاضافي ..............................  ’، الكلام اللي عندي كثير لكن كتبته باستعجال والافكار ملخبطة شوي .. رآجعين إن شاء الله .. ============== بو حميد عن اذنك الصورة المتحركة .. بـ ازرفها للتوقيع : $ وصح ذكرت , ع البركة الأفضلية لك ولـ علآوي بقسم الرياضة العالمية .. نشوف أكثر من عضو بـ اذن الله بالافضليات من رابطتنا بالأشهر الجاية ..
اخر تعديل كان بواسطة » ريدفيلزي في يوم » 07/08/2011 عند الساعة » 11:33 PM |
