07/08/2011, 09:59 PM
|
 | زعيــم مميــز | | تاريخ التسجيل: 11/11/2007 المكان: Here And There !!
مشاركات: 14,060
| |
شوي شوي يا شباب للحين حنا ببداية الموسم ، ماهو مبرر لمباراة اليوم لكن مازلنا بالبدايه وهذا اول مشوار الانجازات للموسم .. مباراة اليوم غريبه ، الشوط الاول كان المانيو افضل رغم ان مستوى المباراه بشكل عام ماكان بالطموح وماكان فيه مستوى فني كبير ،، الين ماسجلوا الهدف الاول من كوره ثابته ومو معنى هذا ان السيتي كان افضل .. بعدها طبيعي يكون فيه اندفاع من لاعبين السيتي كونهم متقدمين علينا .. وسجلو الهدف الثاني اللي مدري كيف دخل !! .. دي خيا خصوصاً تفاجأ بالكوره وغروه المدافعين قدامه الريو وفيدا .. وبالنهايه كل واحد اعتمد على الثاني لا دي خيا اللي صدها ولا المدافعين اللي حاولوا يردون الكوره عن المرمى .. طبعا انت كحارس المفروض انك تحسب حساب كل شي ممكن حدوثه ولاننسى ان المكان اللي سدد منه دزيكو كان مناسب للتسديد واي حارس خبير راح يكون مركز ومترقب لتسديده .. لكن دي خيا ماكانت ردة فعله مناسبه لقوة التسديده مع انه كان من الممكن يصدها بكل سهوله .. نرجع للمباراه .. التبديلات كنت مستغبرها شوي خصوصا انها بمراكز ماتخدمك كفريق خسران بهدفين .. ماتكلم عن تبديل كليفرلي طبعا .. مدري الصراحه وش الهدف من التبديلات الدفاعيه لكن ممكن تجديد دماء واعطاء فرصه لجونز وايفانز وكأننا بادين مباراه جديده نتيجتها 0-0 كاريك بكل صراحه لاتعليق .. ممكن حتى اندي ماكان بيومه لكن تحس انه مو عاله على الاقل وقايم بدوره .. لكن كاريك الف علامة استفهام !! مدري كاريك وش صاير له من كم موسم وهو على نفس الحال بدون تطور .. الله يعجل برجعة فليتشر بس . يونغ اللي تفاجأت فيه .. يونغ عنده مستوى افضل من كذا بكثير واللاعب مو غريبه عليه الاجواء الانجليزيه عشان نلتمس له العذر !! .. نتمنى نشوف افضل من كذا وانا واثق منه ومن امكانياته احلى شي بالمباراه هدفنا الثاني   مبروووك وان شاء الله بداية الخير درع   |
