| رأيي انه رجعة المفاوضات ما تهمّ من أيّ طرف .. المهمّ ان الطرفين رجعوا يتفاوضون و هذا يعني انه [طفشوا] و يبغون ينهون هالموضوع نهائياً يا يجينا اللاعب أو يجلس
بعد ما انسحب الهلال أو رفض بيتيس (كلها واحد) كان صعب انّ فريق يرجع و يطلب التفاوض من جديد ، حدوث هالشيء مرهون ببعض التنازلات و من الطرفين ، لازم كل الطرفين يقدّمون بعض التنازلات و غير كذا تفشل الصفقة مثل أول مرة
إلا الآن ما فيه الا ماركا اللي تكلـَّـمت عن عرض ، حسب خبرها فيه عرض 4.5 مليون يورو لبيتيس فقط يعني عرض أفضل من السابق اللي ما كان يتعدى 4 مليون بسبب حقوق وكلاء + المبلغ كامل راح يتسدَّد خلال 6 أشهر بعكس السابق اللي كان على 3 دفعات آخرها بعد حوالي سنة ، إذا صدق هالخبر تكون خطوة ممتازة من الهلال ، برضه الخبر ما ذكر أي شيء عن الضمانات !! اذا فعلاً بيتيس تنازلوا عن الضمانات (مع اني ما أتوقع لأن مدير بيتيس الرياضي تكلم انهم محتاجين ضمان) فهي خطوة ممتازة و خلاص تنتهي المشكلة .. الفريقين قدموا تنازلات و سهَّـلوا نهاية الصفقة لصالحنا بإذن الله ، و حتى إذا كان بيتيس إلى الآن متمسـّـك بشرط الضمانات فأكيد مجرَّد موافقته على التفاوض من جديد تعني ان موقفه بيكون أضعف من السابق و راح يرضخ للموافقة على عرض الهلال مثل ما هو و مثل ما أغلب الصفقات تتم
الواضح انّ الليلة ينحسم كلّ شيء نهائياً .. يجينا الأسد أو يجلس عندهم ، الله يعيننا و يعدي هالليلة على خير | 