السلام عليكم ورحمة الله وبركاته

في البداية كل عام وانتم بألف خير وينعاد عليكم بالصحه و العافيه والله يتقبل منكم صيامكم و قيامكم.

ومبروك الفوز على فريق سيتي وانا ما شفت المتش لان النوم سلطان بشكل عام فيه رضى عن مستوى الفريق والصراحه الطقم الثاني الاسود خاااااااالع و طبعا المباريات الوديه ليست مقياس في نظري على مستوى الفريق على ما هو يكون فرصه لتجربة اكثر عناصر وانسجام و الفريق حتى الان في الوديات 5من5 ونتمنى يكون استمراريه.

ولكن العقبه الوحيده وأخاف تؤثر على الفريق اللي السوبر وأتمنى تكون المبارتين من حياة أو موت وتكون فيها غرينتا المرينغي لأن البطوله بتأثر في المعنويات لمدى طويل واتمنى أننا نحصدها وأعرف انه مو وقت اني أطرح هذا الكلام لانه بدري عليه شوي.

بالنسبه لموضوع المهاجمين يعني ممكن اطول موضوع في تاريخ الريال اللي يسب الببيتا ويمدح البنز والعكس صحيح وفيه فئة اخرى تسب اللاعبين اثنينهم أنا أرى انه لكل من الاثنين خصائص فمثلا نبدأ في:
هيغوين هو لاعب صندوق وهداف في عز فورمة الفريق كان مصاب وفي فترة كان راجع من الاصابه وعلى وقت أبو ضاري كان الامدادات وصناعة اللعب وتنوع اللعب ضعيفه في الريال و وقت ما جاء المو جلس فتره وأصيب وبعدها رجع وقدم مستوى لا بأس فيه وانا أرى ان الموسم القادم بيكون الببيتا حرررريقه .

نجي للبنز انا اشوف البنز يبدع ويبرز اذا كان مهاجم ثاني لأنه من النوع اللي يجنح و يخترق ويسوي الهوايل وعنده قدره كبيره في التكي تاك و الهات خذ صحيح مع ابو ضاري و بداية المو الى حضور الاديب كان سيء سيء سيء ولكن بعدها بدأ يلقى نفسه وبدأ يتحسن من اسبوع الى اسبوع الى اليوم هذا وهو في تطور وانا اشوف انه حتى الان ما اعطى كل اللي عنده و الموسم هذا موسم هجومنا و الوعد نهاية الموسم.

ونجي للمهاجم الثالث و على المعطيات أنه الاقرب اللي هو الاديب وهو اللاعب الثاني بعد دروغبا لاعب شارينا ومستواه بعد ما انخفض في رجوع وانا متأكد ان عند المو الوصفه اللي ترجع لنا الاديب حق الارسنال بس بدون التكرنه والمزاجيه.

أما بالنسبه للديك نيلمار حتى الان الموضوع ضبابي هل الريال يبيه او انه لعبه اعلاميه او حجز جوهره للمستقبل كل هاذي الامور ستتضح في قادم الايام.