منفوحه المملوحـه الآن أصبحت مجروحــه
منفوحه.. لـ مسفر الدوســـري
هذي الأصوات المبحوحه..
هذي النظرات المقروحه..
هذي الجدران المجروحه..
اللي يتسرّب منها..
أسرار الناس اللي فـ الخلف
أشكال الناس اللي فـ الخلف
ألوان الناس اللي فـ الخلف
حتى تكتمل اللوحه!!
منفوحه الناس الغلبانه
وبْيوت الطين الشّقيانه
والصبر المُرّ اللي مْشرّع..
للآهه أوسع بيبانه!
منفوحه..
هذي السكيك الوسخه
هذي الألفاظ الوسخه.. مابين الكل
هذي الشيّاب اللي تقعد..
تحت الجدران ..
في عز القيظ..
تبحث عن ظلّْ
منفوحه.. السِّــل
منفوحه.. مستوصف مليان..
فوضى..
وناس...
وذبّان..
وأولاد الساعه عشره..
نهار السبت..
تلعب كوره..
تسرق دكّان..
وفـ الليل
تفكّر
وتْدوّر
وين فيه "زيران"..
أو تسمع آخر أغاني.." مزعل فرحان" *!!
منفوحه..
هالدمع المُسرَج
والناس اللي دايم تدعي..
إنها تُفرج
وتْلاقي من هالضيق مخرج
منفوحه..
هذي اللغات الكثيره
هذي الأشكال الكثيره
هذي الحيره
هذي اللفتات الشريره
منفوحه ..
هي اللي دايم يسأل:
متي تجي زكاة العيد؟!
هي اللي مقطوع الإيـد
هي الدخان الأزرق
وايام تغرق
واعمار تبيد
منفوحه..
حتى تكتمل اللوحه !!
رحم الله جدتكِ وجميع أموات المسلميــن
لك -> 
