السلام عليكم ورحمة الله وبركاته

حيا الله الشباب جميعا


بالله من شاف العك الكروي الدفاعي امس ؟ نظام خامس ابتدائي خمسين الف واحد يهجم على الكورة وانواع الثغرات تطلع !!

مدري مافيه تنظيم من المدرب ؟ او ارتجاليه من المدافعين كلن يقول انا اللي بخلص هالعك ؟ مدري بصراحة

بالنسبة للميركاتو وهذا اللي يهمنا خلال هالفترة

ظهرت على السطح الايام الماضية بعض الاخبار الجيدة

ارتباط اليوفي مع لوقانو والمتوقع ان يتم الاعلان عن اتمام الصفقة غدا بـ 3.5 مليون للنادي وراتب 3 مليون للاعب

اكثر لاعب يحتاجه اليوفي بصراحة راح يضيف الكثير لخط الدفاع

وكذلك الاخبار عن فوزي تقول ان الاتفاق تم بـ 15 مليون + 3 مليون متغيرات والاعلان الاثنين

اشوف هالصفقة ممتازة من ناحية السعر

كسبنا لاعب بثر على الاطراف والعمق وخابز الكالتشيو خبز واتوقع ينسجم بسرعة مع الفريق

بيع ابو عايشة افرحني بصراحة من ثلاث نواحي

توفير رواتبه و سيولة للنادي + التخلص من لاعب لا يعرف من التمرير الا اسمه + يطلع يشوف له فرصه بعد ماكان اغلب الموسم الماضي احتياطي او مصاب

سالفة روسي وانه ابتعد كان متوقع هالشي في ظل بيع 2 من نجوم الفريق كازورلا لملقا و نيلمار لروما والسبب الاكبر مكاسر ماروتا

مثل ما قلت من قبل من اكبر عيوب ماروتا المماطله والمكاسر على لعيبه يحتاجهم الفريق

كان الاختلاف على مليونين بس وهالمبلغ ما يسوى مقارنة بلاعب زي روسي خصوصا وان الملك راح يعتزل وتوني ينتهي عقده اخر هالموسم

ادفع هالمليونين وجب اللاعب خله ينسجم مع الفريق ويعطي اللي عنده هالموسم على الاقل يكون جاهز لك من الموسم الجاي وبدال ما تبحث عن مهاجمين في مركاتو واحد وترهق ميزانيتك الموسم الجاي راح تبحث عن مهاجم واحد مميز وتمخمخ عليه

لكن عموما اللي يخفف عدم جيته هو انه بمبلغه جبنا لعيبة بمستويات عالية ( فوزي + لوجانو ) ان صحت الاخبار باتمام الاتفاق بعد ما ندري عن ماروتا

اللي اتمناه بعد هالصفقتين ان ماروتا يقفل الميركاتو من ناحية الشراء لأنه في نظري الفريق اكتمل خلاص

ويركز على البيع لا زال الفريق فيه كديش ما يستاهلون يطقون الفنيله

اماوري + موتا + قريقيرا + ياكونتا