نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || رابطة زعيم إسبانيا وأوروبا " البلوغرانا " لـ موسم 2011-2012 ||

V.valdés · #647 29/07/2011, 06:06 AM

سلام عليكم ..

اخباركم شباب

..

اول شيء مبروك صفقة سانشيز

، صفقه بطلة ، لاعب فلتة وموهوب + صغير وبيعطيك لكذا سنة قدام + شاريك ومتحمس انه يلعب لك والدليل انه بإجازته راح يتدرب

( ياليت لاعبينا السعوديين يتعلمون بس !! ) ، وراح يكون تنافس بين اللاعبين بالهجوم والمستفيد بالاخير النادي ، خط الهجوم الموسم الجاي خرافي خرافي خرااافي ( سانشيز - بيدرو - ميسي - فيا - افيلاي )

اثنين منهم راح يكونون احتياط

نار ياحبيبي نااار ..

خط الدفاع ، بس يبغاله شيء واحد هو خروج ميليتو وجلب قلب دفاع حليو ، ماراح نطالب بلاعب كبير نبي لاعب يرضى انه يجلس بالدكه ويكون احتياطي لبويول ( كثير الغيابات بالفتره الاخيره ) ، ميليتو اذكر بالانتقالات الشتويه اللي راحت كان بيروح لسرقسطه ان ماخاب ظني اجلوها لين الانتقالات الصيفية لكن ماسمعنا خبر ، لكن ان شاء الله يروح أنديبندينتي حتى لو بمبلغ بسيط نفتك من راتبه وقروشته للجهاز الطبي ، ميليتو صراحه خساره جلسته بالنادي مامنه اي فايده عشان كذا لازم يطلع لاااازم ، ماكسويل صحيح انه نامي 2

لكنك تقريباً مجبر عليه لأنه لازم يكون عندك ظهير احتياطي وماراح تجيب افضل منه ..

تياقو

، ماراح ازيد على كلامكم ، لاعب حريف وبطل ولو يشتغل على نفسه شوي ويُنعطى فرصه هالموسمين راح يكون من افضل لاعبين خط الوسط ، لكن اتمنى ومثل ماقال ماجد انه مايكون بويان رقم 2 خصوصاً بعد ترفيع الاعلام فيه لين قال بس ..

فابريقاس

، انا مع وضد قدوم فابري ، مع لأنه اسم كبير وتوه صغير ويملك خبره وراح يكون افضل بديل لتشافي بعد كذا سنه ، لكن لو جاء فابري راح تقل فرصة مشاركة تياقو 70٪ ، وزياده على كذا ممكن يطلع من النادي ( على حسب تصاريح ابوه يوم قال اذا جاء فابري ولدي راح يطلع ) علشان كذا اقول ضد ، لكن اكيد بيب عارف هالنقطه وحاسبها صح

، لكن لحظه شوي خلونا نشوف وسطنا لو جاء فابري ( بوسكي ، ماسكي ، تياقو ، فابري ، انييستا ، تشافي ) تشافي وانييستا وبوسكي اساسيين حلو

طيب فابري بيرضى انه يكون اغلب المباريات والمباريات المهمه انه يكون احتياط !! او بتقولونلي ان بيب بيلعب بالطريقه اللي طلعت قبل فتره بالاعلام اللي هي ( 3 - 4 - 3 ) !! الخيار الثاني مستحيل والخيار الاول مدري صراحه لكن اكيد بعد بيب حاسبها وفابري عارف انه ماراح يكون اساسي بكل المباريات ، طيب هنا نرجع للنقطه الاولى حاولت احسبها ماطلعت معي اللي هي انه وين راح يكون تياقو ؟! ماراح ياخذ فرصته الا بكأس الملك يمكن ، وهذا اللي مانتمناه ..

افيلاي ، اذا الموسم الماضي مالقاله فرصه بيلقى الموسم ذا ؟! ماظنتي ابد ابد لكن لابد ان يكون ع الدكه مهاجمين احتياط واحد من هم افيلاي ، جيفرين ماله امل نهائي يطقها الموسم الجاي لكن لو يحصل مثل ماقال بندر لو يضبط سيناريو ماتا وفابري وجيفرين راح يكون بطل ..

إقتباس

الرسالة الأصلية كتبت بواسطة BARCELONISTA


	ميسي في تشيلي عشان المباراة الودية !

هاللاعب متى بيرتاح ؟ بعرف وش مصنوع منه ؟ قسم ياهو مكروف كرف مو صاحي ، مايترك النادي الا وهو بالمنتخب ومايمديه يتنفس بعد المنتخب الا وطالعينله بهالمباريات !! ماشاء الله عليه لكن اتمنى مايأثر عليه الارهاق الموسم الجاي لانه بيكون له موسمين ما اخذ اجازه صح ، 2010 اول ماطلع من النادي راح مع الارجنتين لكأس العالم وهالموسم لكوبا امريكا ومايمديه ياخذ فرصه الا هو بكأس السوبر بعد ثلاث اسابيع ..

اخيراً معليش ع القطعه توظفت وماعندي وقت ابد ، يالله وبالله اتابع الاخبار بس ، لكن الله يقويكم الرابطه صايره تفتح النفس ..

سلااام ..