نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ||● رابطة عشاق زعيم انجلترا 2011 - 2012 ●||● Glory Glory Man United ●||

VALENCIANISTA · #289 25/07/2011, 04:37 AM

إقتباس

الرسالة الأصلية كتبت بواسطة الوافي001


	من احسن لاعب تشوفه مع مانشستر من بديت متابعة مانشستر .. سواء من 1990 او 2011 .. ما ابغاك تكتب تاريخ لاني من واقع خبرة ثلاث ارباعنا بيقول من 1993 .. لا ابغى تقول من بديت اتابع احسن لاعب اشوفه هو فلان .. واسردلي ليش انت تشوفه احسن لاعب وعطني كم مباراة او لقطات بالاسم من دون فيديو لما شفتها مسكت راسك وقلت هذا طبيعي !! انتم خلصوا وانا راح اقول من هو حقي .. لانه راح يكون مفاجئة ..

لا أنا من 1998

بس ما يعني هذا إني شايب :$

شف يامعتز أنا شخص مؤمن بـ السير فقط و لا عمري قلت اللاعب هذا و لا هذا
و مع إنتقال كل نجم كنت أدخل في نقاشات مع الأنتي مانشستر إن الفريق بـ يضيع ومن هالكلام
لكن أنا أشوف سكولز صعب يتعوّض ، اللقطات واجد لكن أنا الموسمين ماقبل الماضي إلى ربع
هـ الموسم كنت أتابع بـ القطاره بـ حكم دراستي العسكريه و المباريات غالباً وسط الأسبوع
فـ تبي تقولي من قبل 4 مواسم بلفك بـ أقرب يد سوني طايحه

وشلون بتذكر اللهم لو أفتح اليوتيوب
و هذا اللي حصل فيه عندك كم لقطة تبيّن لك عظمة هـ الكلب " الله يكرمكم "

بعطيك كم مثال
أسيسته لـ برباقول قدام إيفرتون حتى المعلق يقول What a ball from Scholes
أو أسيسته لـ بارك قدام الميلان ، هدف فالنسيا على إيفرتون العام ، كلها أشياء تبين لك سكولز على حقيقته

حتى أذكر له هدف أظن على بولتون قبل كم سنه ، يوم إرتدت من الكورنر و إستلمها وهووبا صاروخ

طبعاً منيب متأكد من الخصم بس سألت منصور و يقول لأ مهوب بولتون أستون فيلا هو الضحيه

طبعاً ما ننسى قدرة سكولز على التحكم بـ مجرى اللعب و تحريك الفريق على كيفه يسرّع و يبطئ الرتم
يتحكم بـ وسط الملعب بـ شكل خرافي جداً و توزيعه لـ الكور بـ الملّي ، و قليل الأخطاء بـ التمرير
لاعب لو كان بـ يومه يوقف أقوى خط وسط بـ العالم لحاله و لو مهوب يومه تلقاه على طول مطرود خخخ

تقريباً أشوف سكولز هو الأفضل بـ النسبه لي شخصياً ، و من الصعوبه إنك تحصل لاعب يعوضه بـ سهوله
فيه لاعب أشوفه قريب من أسلوبه " بانيغا " لاعب الأرجنتين ، خلنا من العك اللي شفناه بـ الكوبا
المنتخب كله كان حواق و مستواه اللي ظهر فيه ما يعكس وضعه الحقيقي ، أذكر قبل سنتين كان هو
اللي شايل فالنسيا فعلاً مع وجود " فيا ، سيلفا " لكن فعلاً بانيغا كان هو الأفضل ذاك الموسم وسوا
شيء خرافي ، وضعه مع فالنسيا مهوب مضمون أبد ، و النادي يبي يبيعه لو جاه عرض مناسب
و لو جاه عرض يتجاوز الـ10 ملايين ممكن يبيعه ، أدري إني شطحت و طلعت من نقاشك بس جاء
بانيغا بـ بالي لـ أن فيه كثيير من سكولز وقلت أسولف عنه بـ سطر :$

..
قواكم الله يا عيال ، أدري مقصّر معكم لكن إن شاء الله نمركم بـ شكل متواصل الفتره الجايه