نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

leader ksa · #13 24/07/2011, 08:53 PM

كم عمرك ؟ ض1

جد جد يعني كم عمرك ؟ ض1

حسستني انك من شايب من جماعتنا

ماغير مستلم هالشباب الكويسين الوديعين

اول شي بخصوص مستشفاكم متى تروحونه بأي وقت ؟

وببالنسبة لموضوع سروال وفنيلة رجاء لاتغلط هذي مشاركه فاعله من الشباب للمحافظة على التراث والتقاليد السعودية

وموضوع السوق وتقول ليه تترززون قدامه الا انا بسألك ليه البنات يدخلونه

وليه يترززون هم قدامه

والعروض وينها يابعد قلبي كل اللي صار عرض واحد ولا درينا عنه الا بعد ماراح اجل اعلانات بالجرايد وش اخباري من اخر واحد شرا جريدة

وبالنسبة للهيئة والدوريات تراهم مايمشونك اذا وقفوك الا اذا كان فيسك يساعد او هيئتك تخليهم يقولون لك جزاك الله خير

ومن الاساس وقف لجميع اوم الدوريات بس هيئة لاتوقف لو صدموك

حلبة الريم
ذليتو امنا عليها وفالاخير الجنادرية ابرك منها

فهمني وش اروح اسوي هناك ؟؟

اللي موجود فيها سباقات مادري وش تبي وسيارات معدله نفس اللي نلاقيها بالتحلية ويعرضونها ايام العيد

حقين الدرفت + الهجولة + التفجير
مايستفيدون منها يعني لاتقولون روحوا واستانسوا هناك

ثاني شي حاطينها بقلايع وادرين
ثالث شي ياخي شغلتهم الظهر !!
بالله مين صاحي الظهر ولو صاحي تتوقع احد يروح لهم ودرجة الحرارة 77 ؟

والاهم ترا المرور حقينك مايشتغلون الا على كلام الجرايد

يوم تكلمو عن الدرفت بالجوهرة داهموهم ثاني يوم
ويوم تكلمو عن الهجولة ايام الاختبارات شبو عليهم ثاني يوم

والتفجير الوحيد اللي سلم بالموضوع لان ماقد صار عنه اي تقرير صحفي والناس مادروا عنه لذا يقولون مالنا شغل

وقبل تدخلات مروركم الكريم بالشوارع والشبكات وهيك كان كل شي منفصل لحاله

اما الحين صار فيه تزاوج وظهرت سلالات جديدة من هالانواع بسبب مروركم الكريم

المهم نستغل منبركم الكريم وموضوعكم الشيق والذي يعالج قضايا المجتمع

ونقول للشيبان والملاحيس بخصوص باصات وجيوب ساهر تراها الحين موجودة بلونين اسود - عنابي مطفي يعني ابن امك تطلعه ماتدري الا بالفلاش بجبهتك

ولاهل الدرفت والهجولة ترا فيه جمس حوض اسود سري

يتواجد بكثرة بالبحري والملك عبدالعزيز

وشكرا لكم على حسن استماعكم