نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ☼.. إستديو الربع نهائي | لقاء القمه بين الاورغواي والارجنتين ، وقمه اخرى تجمع البرازيل والبارغواي ، تشيلي وفنزويلا ، كولمبيا وبيرو

VALENCIANISTA · #8 17/07/2011, 06:23 PM

السلام عليكم

إقتباس

الرسالة الأصلية كتبت بواسطة Iитєяάωί


	بأمانة لم أتوقع أن لاعبين كـ أقويرو ، هيقوايين ، وميليتو إنتر ، ودي ماريا ، وباستوري ، وتيفيز .. كديش هم نجوم .. أقل ربما من ميسي توهج ، لكن لا يفرقون عنه كثير .. لاعبين متى ما وظفتهم التوظيف الصحيح ووضعت كل لاعب في مكانه المناسب توقع منه الكثير الفارق بينهم وبين ميسي هو الأفضلية ، أفضلية العالم اللي جعلت الآمال تذهب ع عاتق هذا الميسي .. والخيبات واللعنات تنصب عليه أيضاً

أول شيء يعطيك العافية
أنا بكلمك بـ النقطة اللي علمت عليها بـ الأحمر لـ أن هذا الشيء هو اللي ماحصل أمس رغم إن الأسماء هي الأسماء اللي قدمت مباراة كبيرة أمام كوستاريكا
مباراة كوستاريكا كان توظيف اللاعبين مختلف تماماً عن مباراة الفجر اليوم وأنا أتكلم هنا عن الثلاثي " ميسي ، أغويرو ، دي ماريا "
ميسي وش كان مركزه ؟ كان لاعب حر وغالباً مايميل لـ الجناح الأيمن تقريباً مركز مُشابه لـ مركزه مع البرشا ، وهذا عطاه أريحيه أكبر وساعده يقدّم المستوى المنتظر منه ..
دي ماريا كان يلعب على الطرف الأيسر و هذا هو مركزه المعروف عنه ، وبرضو كان في المستوى ..
أغويرو كان يلعب مهاجم ثاني خلف هيغوين و بعض المرات يكون هو رأس الحربه ويرجع هيغوين خلفه ..
مباراة الأوروغواي تغيّر الوضع تماماً رغم بقاء الأسماء نفسها
باتيستا رجع لـ نفس الخطأ اللي إرتكبه في المباراتين الأولى لـ البطوله مع ميسي بـ الذات و رجعّه كـ صانع لعب يميل لـ الجناح في حال تراجع دي ماريا
أغويرو تغيّر مركزه إلى جناح صريح و هو مايجيد هـ المركز و بـ التالي شفناه مجرّد شبح فـ الملعب و لا قدم ربع اللي قدمه المباراة الماضية ..
تدري وش الطامه ؟ مهوب مركز ميسي ولا أغويرو ! مركز دي ماريا !
لعب في مركز الوسط المتقدم ، بـ التحديد أمام المحاور و في حال الهجوم عليه إن ينطلق من مركزه في الملعب لـ الجناح وبـ كذا أنت تحجّم قدراته كـ جناح و لا تنتظر منه يعطيك اللي تبي منه
الدي مركزه معروف من أيام المنتخب الأولمبي جناح أيسر
تجي أنت يا باتيستا بـ كل حماقه في مباراة مصيرية تنزله وسط متقدم وفوق هذا يكون مطلوب منه يلعب عـ الأطراف وقت الهجمات ؟
الأرجنتين مليااان مواهب ، لكن مشكلة هـ المواهب ما لقت من يوظفها ، خلال السنوات الأخيره كان بيكرمان أفضل السيئين بدون النظر لـ مباراة ألمانيا 2006
لكن هو الوحيد اللي كان يعرف يستغل إمكانيات لاعبيه و لا يطالبهم بـ أكثر من اللي يقدرون عليه !
بيلسا ، كارلوس بيانكي " مدرب البوكا السابق " ، و حتى باوزا اللي درب النصر قبل 3 سنوات تزيد أو تنقص ، كل هذي أسماء ممتازه ليش مانشوفها ؟
ماتبيهم يا غروندونا " رئيس الإتحاد الأرجنتيني لـ من لا يعرفه " شوف لك أسماء من خارج الأرجنتين مهوب عيب أبد
جب لك مدرب ناجح ، لكن إنك تقبل بهـ التخبطات وبعد كل إخفاق تنتف المدرب ، هذا يبين إن العلة فيك أنت
مهيب في أي شخص ثاني لـ أنك من الأساس ما إخترت الإختيار الصحيح ، و أعتقد 30 سنه كافيه و زووود عشان تبيّن إنك خلاص ماعاد عندك شيء تقدمه لـ المنتخب !
كني طولت صح ؟

خلاصة الكلام ، العلّة مهيب في ميسي ولا أغويرو ولا غيرهم ، العلّة أكبر منهم بـ كثيييير .