بسم الله

أنا أؤدك في كلامـك .. اللاعب : فهد العنزي مع أحترامي له لـيس من مستوى اللاعب ويلهامسون .
ويلهامسون لاعب متحرك وسريع ومهاري ولا تخفى علينا مهاراته كلها ، وقبل شوي قريت رد احد الاخوان في موضوع آخـر قال ( تخيلوا لو يلعب ويلهامسون ويوسف العربي ) مع بعض !! فعـلاً راح يكون هناك ضغط كبير جداً على دفاع الخصم ، راح يكون هناك تشتيت لدفاعات الخصم ، مع وجود الثعلب ( نواف العابد ) أو عبدالعزيز الدوسري أو الفريدي ، ولا ننسى محمد الشلهوب في المنتصف يصنع ويبدع .

وبخصوص الهجوم حقيقه أنا مازلت متأمل في ياسر القحطاني .. لانه من النجوم الكبار ، والنجوم الكبار لو طاح مستواهم ما يغيبون ، بيكون له رجعه ، لكن اتمنى أنه يبتعد عن الملاعب فتره ويرجع ، مع وجود ويلهامسون والعربي راح يبدع ، وأتوقع لو يصير هو والمحياني يكفون عن المهاجم الاجنبي ، ويخلون بدال المهاجم الاجنبي ( ظهير ) يلعب بدال نـامي ، مع اني اشوف ان ( نـامي ) تطـور مستواه صراحه !! صار يلعب بطريقة ون تو مع ويلهامسون في بعض الاحيان ، ودخوله على دفاعات الخصوم رائعه جداً ، وانا اتوقع أنه يبي يبدع في الايام الجايه ، وخصوصا مع مشاركته المستمره مع الفريق .


تحياتي لكم ،،،