مشكور على هالموضوع اللي قاهرني من زمان

طبعا النقطه الاولى والله ما ادبر فيها شيء يعني

لويحطون كبري او نفق او مدري وش السالفه اهم شيء اني ادل بيتنا بس

بس من جد زحمه ياليت يشوفون لنا حل اجل اخوي حل اربع واجبات وحنا واقفين عن الاشاره

ما رحنا منها

النقطه الثانيه وما ادراك ما النقطه الثانيه


هالحين انتم ماعندكم اماكن والله هزلت


يكفي ان مفتاح السياره معكم هذا بحد ذاته منتزه لحاله تطلع ماتشاور احد تروح متى ماتبي

تجي وقت ماتبي تروح للبر تطعس وتنبسط وتستانس تروح لمقهى تروح لاستراحه تروح

تتمشى تروح لشاليهات ومخيمات تروح تزور اصدقاك في اي وقت

تسافر لحالك ومتى مابغيت ومع من تبغى

اما حنا حاسدينا على صحارى والمملكه والفيصليه الله واكبر نروح اذا بغينا نشتري اغراضنا

يعني انتم وش تبون ببرومود ومانجو وايتام محلاتكم على شارع العليا العام

روحوا اشتروا وثيابكم عند مشار روحوا فصلوا على طريق الملك فهد

ومطاعم كثر التراب لا اله الا الله روحوا كولوا يعني ما تاكلون الا في السوق

هالحين غايرين من البنات عندهم ستار ستي والحكير وقسم بالله مانبيها كل وحده اشين من الثانيه

بعدين انتم تقولون عوائل لاتتكونون بس مقطوعين من شجره واختك وامك هذولي من يوديهم

مهب انت خلاص تدخل معهم وتنبسط معهم

بس انتم متعتكم في التحرش باعراض خلق الله يوم ماتوفرت لكم انهبلتوا وتبون كل شيء

على كيفكم

تبون مسارح وسينما واغاني هالحين بالله هذي متعه والله العظيم انها الشر والفساد بعينه

الله يبطي بهاليوم اللي نشوف الرياض فيها هالاشياء

الرياض جميله وحلوه ورائعه بس ينقصها تحط لكم نوادي للسيارات وهواة التفحيط والتطعيس تحط

لهم اماكن مخصصه وتنتهي كل مشاكلها

والله يديم علينا هالنعمه ويحفظ رياضنا الحبيبه