نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - آرسين فنغر : تشافي غير محترم و ليست المره الأولى اللتي يقلل فيها من احترامه للآرسنآل

الوافي001 · #83 15/07/2011, 05:29 AM

إقتباس

الرسالة الأصلية كتبت بواسطة BARCELONISTA


	هلا حبيبي عجزت افهمها .. كيف دريت انهم يدعون الأحترام برى الملعب ؟ و ينكشفون داخل الملعب .. بالنسبة لـ التجمع حول الحكم و كذا .. هل برشلونة أول فريق زي كذا ؟ زين مدريد الموسم الماضي معنا بكل الكلاسيكوات كان هاذا نظامه ايضاً .. امممم لي وجهة نظر بذا الحركات ممكن تكون صائبة و يمكن لأ .. الظروف اللي تحيط بالمباراة تفرض عليك هالشي .. مثلاً مباراة كلاسيكو أو نصف نهائي تشامبيون او نهائي .. لا تنتظر من الاعبين أنهم يصفقون لـ الحكم سواء كان مخطأ أو مصيب .. دايم الاعب يتمنى أن الحكم يفعل الأسوء لـ المنافس .. بعض اللقطات تستاهل أن الاعبين يتجمعون عليها .. لأن الحكم يتعمد نرفزة الأعبين و هاذا الشي شفنآه في كلاسيكوات السنة اللي راحت .. بعدين ما اعتقد هاذا الشي يتعارض مع المثالية و الأحترام .. لأن هاذا يدخل من الحماس و " الخُبث " ، قلة الأحترام هي الحركات الخارجة عن الروح الرياضية .. وجهة نظري ! الصياح هاذا يختلف من ناس لـ ناس .. كلن يناظر من الزاوية اللي تعجبه .. عشان كذا تشوف أن برشلونة بلاتيني و مانيو الأتحاد الانجليزي .. مع أن هالفريقين تضررو في مناسبات تحكيمية كثيرة .. الكلام معهم كانك تنفخ في قربة مشقوقة " أقصد اللي يتكلمون عن التحكيم فقطْ عشان ما ينفهم خطأ " !! صفقة سيسك = صفقة رونالدو في أشياء كثيرة .. تدخلت أسماء كثيرة .. هل هاذا يجعلنا نقول أن تدخلهم خطأ و غير محترمين .. كريس جلس صيفين ثم لـ مدريد .. سيسك الآن هاذا الصيف الثالث .. اللي يختلف في سيسك أن برشلونة مو راضي يدفع اللي يبيه ارسنال .. عكس بيريز اللي دفع 94 مليون !! كلها اشياء مبنيه على توقعات لـ المستقبل عشان كذا ما تقدر تناقش شي .. وجود لاعب خلف المحاور نجح فيها بيبي لعدة عوامل يمكن ما تتكرر مرة ثانية .. بيبي كان المفروض ينطرد في كل كلاسيكو يلعب فيه لو فيه حكم صاحي .. لأن يلعب بخشونة متعمدة و كبيرة .. عشان كذا نقول نجح بمركزه بالأضافة لباقي الاعبين اللي ساعدوه ! .. المهم برشلونة الحالي أكيد بينتهي يوم من الأيام .. لكن صدقني مو قريب .. سيستم برشلونة الحالي بيستمر بأستمرار الاعبين المهميين .. انييستا على ميسي على بيدرو على سانشيز + سيسك قريباً خخخ على تياغو " دويتو تشافي + رونالدينهو " على بوسكيتس على بيكي على ألفيش على فالديس على شويات فيا و بويول و تشافي .. كلهم يقدرون يعطونك لـ سنوات كثيرة إلا الثلاثي الأخير اللي اتوقع ما يستمرون أكثر من 3 سنوات بأداء كثير .. يعني برشلونة عنده سكواد لـ المستقبل يلعب نفس التيكي تآكا و بوجود ميسي .. اللي ابي اوصله برشلونة قادر انه يواصل لـ سنوات كثير بنفس الريتم ! تشرفت بنقآشك .. من ألمع الاقلام ب الأعلامية و أفضلهم

معليش مانيب من الناس اللي تعرف بالتنسيق وكذا

.. فعلشان كذا ببتعب معب

..

بالنسبة للمثالية خارج الملعب انا اتكلم كمجملا .. يعني لما تشوف كلامهم وتصرحاتهم تقول وش العسل اللي ودك تلحسه ( على فكرة ما احب العسل

) لكن لما تشوف التحايل على الحكم داخل الملعب .. طبعا ما اعمم فيه انيستا احس ذا اللاعب مثله مثل جيجز حبيب وبحاله يعني عادي تشوفه بكرى بفضيحة

.. انا اتفق معك في الخبث اللي يصير والضغط على الحكم واللي تفوز فيه العب فيه وهذي سياسة من سياسات السير اليكس خصوصا بالـ mind games اللي يتقنها وسواها مع فينقر وبنيتيز ومورينهو ونجحت في اغلبهم .. لكن اللي ابوصله واللي ما اقدر اجزم فيه انه الاختلاف بين داخل الملعب وخارجه وما اقدر اثبت للأسف لكن هذا اللي اشوفه واللي يشوفه ويتفق معي كثير من المشجعين ..

بالنسبة لصفقة رونالدو انا لما قلت انها خلصت في صيف واحد .. اللي صار ( وهذا اللي قاله مصدر خالد في رباطة مدريد ) انه كالديرون وكريستيانو اتفقوا من ورى ظهر الفريق على الانتقال لمدريد كل اللي صار ان السير رفض وقال ما يصير على الاقل يقعد سنة وحدة وهذا اللي صار تم تحديد تاريخ معين ينتقل فيه كريستيانو بقيمة 80 مليون باوند واللي يخل بالصفقة من الطرفين يدفع للطرف الاخر 30 مليون باوند .. فعلشان كذا قلت انها خلصت بصيف واحد اللي هو صيف كالديرون وكل اللي كان على بيريز انه يدفع ذا الـ 80 ولا يدقع 30 ولا ياخذ اللاعب ..

اما النقطة الاخيرة زي ما قلت انا من توقعاتي المستقبلية انه راح ينتهون قريب .. صحيح السياسة اللي يمشون عليها قوية لا من الفريق الرديف ولا الاساسي ولا الاكاديمية ولا اسبانيا بكبرها بكل فئاتها السنية .. فعلشان كذا لو سمحت لا تحرمني نعمة التفاؤل

.. وخلنا متفائلين لانه من دون التفاؤل ما اتوقع اني راح اشجع مانشستر بالسنوات الجاية

.. فنقول ان شاء الله ترجعون كمنافسين وتنزلون لمرتبة الاندية اللي تحتكم لان برشلونة حاليا قاعد يقتل الغموض اللي يسبق المباريات الكبيرة .. ممكن الغموض يكون هل راح تكون مفاجأة ويفوز الطرف الاخر او لا .. لانك تعرف مسبقا ان كيف راح يكون سير المباراة استحواذ من برشلونة ودربكة من الفريق المقابل وتخليص عشوائي والمفاجأة راح تكون ان الفريق الثاني يطلع فايز .. وقلتها قبل الفاينل بالنسبة لي المفاجئة ان فيديتش يشيل الكاس .. وتبي تعرف وين وصل برشلونة : بعد فاينل 2009 اللاعبين كانوا متأثرين بشكل كبير لانه الهزيمة كانت غير متوقعة صراحة وكان فيه تفاؤل كبير واستمر ذا التأثير على عدد من اللاعبين من ضمنهم ايفرا وكاريك والريو .. بعد فاينل 2011 نشوفهم بعدها بيومين يفرحون بالدوري ولا كأنه صار شي لانهم وعلى قرائتي للاحداث كانوا متوقعين الخسارة لكن فيه تفاؤل بسيط ..

اخر شي ابغى اقوله .. لقطة اليدين اللي ترجف للسير تعطي لغيري من الضعاف انهم يضحكون شوي .. بالنسبة لي هي نقطة تفاؤل

.. السير ابخص

..

اما سطرك الاخير : تعرف الخجل اللي تخلي فيه يدينك على وجهك .. ايوه بالضبط

..

جمعة مباركة على الجميع ..