نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

وليد القحطاني · #1 13/07/2011, 05:29 AM

السلام عليكم
صباح الخير او مساء الخير
بصراحة من زماااان عن المواضيع . فـ ماجاء في بالي اي فكرة
فـ قلت خلني اكتب اللي صار لي

. لعل البعض يتعض و ينتبه في السواقة
طبعا بذكر لكم المواقف اللي عشتها وبعدين بقلكم وش اللي صار

قصة الحادث

من قبل شهرين كانت فيه اجازة لمدة أسبوع . اول يوم في الاجازة اهلي راحوا الرياض
قالوا لي ياوليج تعال معنا قلت لهم لا لا ودي اجلس . المهم زهقت لحالي في البيت
ومشيت للرياض يوم الاثنين . جلست معهم الى يوم الخميس ..
يوم الخميس تحركت الساعة 3 العصر ..
المهم هذاك اليوم لاصليت الفجر ولا الظهر ولا العصر

وكنت ماشي في الخط وكنت الله يهديني مسرع سرعة جنونية

فجأة راسي بدأ يدور علي . فجأة حسيت بدووخة

ماقدرت اتحكم في السيارة ابد . قبل ما اطيح السيارة انحرفت يسار
وانا كنت ماسك المسار الأيسر . يوم انحرفت يسار وربي المنظر يخووووف

قبل ماتصير الكارثة قلت الله يستر وطحت على جنبي ..
المهم صحيت وانا في المستشفى وانا فاقد الذاكرة . وما اعرف من اللي قدامي
ولا اعرف الناس اللي دخل علي واللي خرج . وكنت اسب الوالد والوالدة واهلي كلهم
كان المخ فاصل

..
بعد اسبوع ونص بديت اتذكر وبديت اعرف اللي حولي ..
عرفت ابوي وعرفت امي والاهل .. حبة حبة بديت اتكلم معهم
شوي سألت اخوي النصاب

. قلت له وش صار يا أنس
قال لي صار لك حادث بسيط في الكورنيش في الخبر قلت والسيارة
قال سيارتك تحت في المواقف وتمام < كلها نصب . بس اخوي يبي يهديني

المهم بديت اتذكر وين رحت الايام اللي راحت . وفجأة تذكرت اني كنت في الرياض
فجأة صحت صيحة قوية وقلت تعاااااااااالوا

شوي يدخلون اهلي علي . قالوا وش فيك ياوليد وش فيك
قلت لهم نصابين ماصار لي حادث في الخبر انا كنت في الرياض
وش صاااااااار لي علموني . بصراحى استسلمو للأمر الواقف وقالوا لي الحادث
وقالوا ان السيارة انعدمت وماهي تحت في المواقف

المهم انا صحيت وانا في الغرفة العادبة . قبلها كنت في العناية مغمى علي
لمدة اسبوع . في نفس الغرفة والوضعية اللي في الصورة فوق

طبعا الدكتور دخل علي وسكر الباب

المهم قال لي الحمد الله ع سلامتك وليد . وللاسف عندك كسر في الحوض
وفي الرجل . بعد ماقال هالكلام حسيت بخموووول

لإني اعرف ان الحوض يبي له شهور عشان ينجبر
المشكلة وقتها ماكنت احس في الحوض ابد لانهم يعطوني ابر مضاد ومهدي للالم بكثرة

جلست في المستشفى حوالي 24 يوم . اول ماطلعت وتحركت بدأ الحوض يتمرن علي

وبديت احس بالألم . طبعا مامشيت رحت في عربيه .
وربي يا أخواني من الألم والله بكيت

طبعا فيه اشياء كنت اسويها يوم كان المخ فاصل ماله داعي اقولها

في الأخير الحمد لله ع كل شي . واللي صار لي درس وتعلمت منه
وانا ادري ان اليوزر رجع لي عشان طلعت بالسلامة صح ياماجد ولا لا

في الاخير دعواتكم لي بالسلامة . الى الان والحوض ما انجبر كامل
في حفظ الله . واعذروني ع القصور