نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ][ رآبطة عشآق المدفعجيه ][ 2011-2010 ][ الآن رابطة الآرسنال على TWITTER ][

your soul · #15245 10/07/2011, 05:20 PM

سعد، كيف الحال

.

إقتباس

الرسالة الأصلية كتبت بواسطة جنرِآَل آَلـرِيآَض


	استلم : س / القذآفي اسطورة هذا الزمآن ، انت معه ولا ضده ولو انك ليبي بتحآرب معه ولا بتركب المستوبيشي وتقآتله س / عمرك 24 يعني حولي بالعمر والاكيد انك لحقت على المصآرعه اللي تجي يوم الثلاثآء السوآل هنآ .. من كنت تشجع وهل كنت تخآف وتقمط من الحآنوتي س / وش رآيك بالمآسونيه اعداء رشود س / طوال مشوآرك الدرآسي الحآفل بالانجآزآت كم مره سلمت ورقة الامتحآن فاضيه وهل تؤمن بطريقة حقره بقره للجوآب على الخيارات س / بعد التخرج لو جتك وظيفة تدريس او قطآع خآص وين بتتجه .؟ س / اثنآء تنقلك في شوآرع الشرقية كم مره بحيآتك قلت ( اخ لو ارآمكو لي ) س / قد تخيلت شكلك وانت ابو لاربع بزرآن س / انت من النوع اللي يسوي فآهم هل تتوقع ان فهآمك ذي ممكن تغير من حيآتك او ترفع اسهمك الوظيفية مستقبلآ او انهآ بتوديك بدآهيه ؟ س /ظنك الدجاجه جت قبل ولا البيضه س / حسني مبارك تتوقع كآن عنده فرصه يبقى ويرجع الامور زي ماهي او ان الامور فلتت من يده س / انقسآم السودآن ضنك له اثر سلبي او ايجآبي على وظيفة ابو حسن س / تتوقع تدهور الرياضة بالسعوديه سببها سلطآن بن فهد ولا جميع الشعب يتحملها س / هل تعتقد مثلي ان البلاستيشن كآن له دور كبير بقلة المواهب بالسعوديه س / يوم يموت الملك فهد وانا جآلس ابيع كوسه بسوق يوم وصلني الخبر تركت الكوسه ورحت البيت .. السؤال هنآ .. صحت يوم يموت الملك فهد ؟ س / كثيرين يقولون انك انسان هادي وطيب ..السوال هنا تحس انه ملعوب عليك بعض المرات ..يعني الناس يستغلون طيبتك س / سوني ون تذكرها زين .. لعبة كراش هل تشرفت وختمت الشريط ؟ س / الدوري الياباني اول شريط اللي فيه نجوم العآلم تذكره .. كم مره اخترت البرآزيل وحطيت روبرتو كارلوس هجوم س / سؤال شآطح هل تؤمن بالحب من اول نظره خخخخ س / لو قآلو لك من بكرى تبي تصير مشهور وقآلوآ اختر طريقة شهرتك وش تحس انك تبي تصير يعني اعلامي ولا ممثل ولا لاعب ..الخ س / افرض مثلا لا سمح الله انك ماخذ رقمي يوما من الايآم ودقيت عليك وقلت لك تعال ابيك ضروري بالريآض واول ماجيت لريآض عطيتك عجرآ وقلت خآوني نبي نضآرب السؤال هنا بتضآرب معي مع العلم ان نتيجة المضاربه معروفة مسبقا وهي اننا بنتسطر س / جتني وظيفة بالجبيل ورفضتها على حسب معرفك لي ظنك بتأقلم هنآك ولا بسحب عليهم س / مصعب النائب السابق دايم يرسلي شعر تحس انه رومنسي صدق ولا من جنبها س / مركزك اذا لعبت كوره وش هو ؟ س / عبدالله برايد اوف لندن كل يوم يحط صورته بالببي وهو يتدرب ولا يلعب كوره ضنك انه عنده مهارات وفنان ولا ماعنده ماعند جدتي .؟ س / ابوحسن دايم يتفلسف علينا بالطب هل تتوقع انه يكون مستشار لربيعه يوم من الايام س / عبدالرحمن ارون رآمزي دايم يهايط علي بالشرقيه والجبيل تتوقع الشرقيه تستآهل الوآحد يهآيط فيها لهدرجه س / ضنك هياط حقين الرياض والشرقيه .. الشرقيه حنا عندنا الراشد و الرياض حنا عندنا الفيصليه راح ينتهي ورآح تطلع اشيآء جديده ولا بتبقى كمآ هي مع مرور السنوآت س / قد حسيت هالاحسآس اللي اغلب السعوديين يحسونه وهو انك توآجدت بالعآئلة الغلط وممكن تكون بعآئلة ثانيه اكثر رفآهيه س / لو اسلمك 10 مليون اول شي تسويه وش هو ؟ س / جبهتك كم مره انفلقت س / لو تطيح بوآحد نصآب بعزيمة واستلمك من اول الجلسة تسذب وجلس معك حول اربع ساعات يتسذب السؤال هنا بتقوله انك تسذوب ولا بتسلك له طول هالفتره .؟ س / جريش - قرصان - مرقوق .. وش تفضل منهن س / فول - معصوب - صحن كبده ..وش تفضل اكثر شي س / موقفك تجآه البيروقراطية < ادري فتحت قوقل تشوف معنآها س / انت من النوع الحرفي يعني اذا خرب صحراوي ولا الدينمو بالبيت صلحته ولا عجآز س / لو حطيتك بالاحوآل المدنيه قسم تغيير الاسمآء < هذا قسم جديد .. المهم دخلتك وعطيتك بطآقة احوآل وقلت غير اسمك وش الاسم اللي بتحطه س / ايآم الابتدآئية كآن عندك ( سجل وآجبآت ) ولا كنت مهمل ؟ س / محمد الريس بعض المرات يصير دكتاتوري و يفرض علينا قرارات كثيره ومنها ان وآلكوت اسطورة هذا الزمن هل تعتقد انه بيوم من الايآم بنوقف بوجهه وبنصآرحه بالموضوع ونخليه يقتنع غصب انه لآعب عآدي س / برأيك وش سبب زعل ممدوح على هالفريق هالوقت هل تتوقع مثلي انه يمر بعلآقة عآطفية وانتهت هالعلآقه والحين جآي يفرغ غضبه على الفريق س/ وش اللي خلآك تدخل هالتخصص اللي تدرس فيه الحين ؟ س / وآحد من العيآل عندي بيسألك يقول هل مسلسلات حقت الاطفآل المترجمه تفيد باللغه ؟ س/ نفس الشخص يقول لوخيروك بين دجآجه مظبي ولا شوآية وش بتختآر < بيني وبينك سؤاله خورآفي س / لو سكنت عزآبي ظنك تقدر تطبخ وتنفخ بالبيت ولا من النوع اللي تعتمد على المطآعم س / اخر سوآل تتوقع نفوز بطولة هالموسم .. وكم تعطي بالمية نسبة فوزنآ ؟ اذا تمدد الوقت رآجع بأسئلة ثآنيه

اللهم لا سهل الا ما جعلته سهلا، وانت تجعل الحزن اذا شئت سهلا. بسم الله.

1- وش اللي معه؟ هذا مجرم سفاك دماء . الا ما يردني الا جبهة ولده سيف الاسلام مدري وش سمه.

2- هههههههههههههههههههههههههههههههههههههه، يا الله، رجعتني للذكرياااات. كنت أحب المهرجين الأقزام اذا تذكرهم، وياكازونا. أما الحانوتي تخوفني أغنيته

.

3- الماسونية وبعيداً عن نظرية المؤامرة، منظمة فعلاً موجودة. وتتحكم بمجال الأفلام والغناء بشكل رهيب. ويتوجد علامات على تغلغلهم سياسياً. وتحارب جميع الأديان السماوية، وعلى رأسها الاسلام.

4- أكثر من مرة سلمت الورقة فاضية، بس في الكويزات مو الاختبار الشهري أو الفاينل. وحقرة بقرة هذي من أبجديات العلم الحديث.

5- قطاع خاص طبعاً.

6- ولا مرة

. بس أحياناً أفكر لو عندي فلوس واجد وين بصرفها فيه

.

7- لا.

8- هههههههه ، شوف صدقني -وأرجو انك تصدقني- ما أسوي فاهم الا اذا كنت مقتنع بحجتي والنقطة الي أتكلم عنها. وأي وقت أحس اني غلط ما أخجل أقول اني غلط. بالنسبة للوظيفة، نعم، التواضع راح يوديك في داهية، ولازم تسوي مستر فاهم.

9- أنت قبل

.

10- ما فيه أمل، كفاية.

11- وش تبي أنت ياخي

. ما أتوقع لها أي علاقة.

12- مو جميع الشعب. << خايف يقولها

.

13- سلامات. أكيد لا. والله يا تفكيرك تفكير شيبان. لا صارت أي مشكلة قال، ما خربنا الا هل البلاي ستيشن والانترنت والبلا والجلا ذا هههههههههه.

14- لا.

15- ليش ما نقول انهم هم ملعوب عليهم ويحسبوني هادي وحبوب

ههههههههههههه، هاذي أعجبتني

.

16- نعم اذكره مضبوط. كنت مستلم درايفر طال عمرك، وخذ هجولة

.

17- ايه اذكره. وأطلق أطلق شي لا قال المعلق: سروو ههههههههه. أما روبيرتو كارلوس هجوم هههههههههه، الحين عرفت مصدر تحليلاتك.

18- نعم. ولكن أؤمن أنه لا يدوم.

19- أكيد لاعب.

20- ههههههههههههههه، ايه والله أضارب

. بس مستحيل مستحيل أضارب بالعجرا. يعني أقعد بالقسم يومين ولا تنقص رقبتي.

21- بتسحب على مندوبهم أنت ومقانيصك. الجبيل للمتزوجين.

22- ههههههه، أكيد رومنسي. يعني لا قال لك خاوني للثمامة انتبه لنفسك هههههههه.

23- محور دفاعي أو قلب دفاع.

24- تبي توهقنا أنت مع خلق الله. الي متأكد منه انه لو لعب معك شقك بكباريات لين تقول ربي الله.

25- مستشار للمشير البشير ان شاء الله.

26- لا.

27- أنت عطني رايك.

28- لا.

29- اشتري بها عقار.

30- مرتين.

31- صارت لي. والله يا هالنصابين ما يستحون. الكذب بكيفه، بس الي يقهرني انه يستخف بعقول الحاضرين. طبعاً سلكت له.

32- مرقوق.

33- معصوب.

34- لا ما فتحت قوقل يا حبيبي

. بس راح نستمر على هالشي، الى أن يتغير النظام في دوائرنا الحكومية ويصير قريب من القطاع الخاص.

35- أحب اشتغل الشغلات الي زي كذا. بس أخاف أدمره زيادة

.

36- اممم، وش أحلى من اسم عبدالله

.

37- الابتدائي كنت شاطر.

38- خل اللاعب يلعب موسم وبدون اصابات وفي مركزه. وبعدها فعلاً نحكم عليه.

39- ما أعتقد. كلام ممدوح كله عقلاني.

40- أحب الهندسة.

41- نعم. وكذلك قصص الأطفال بالانجليزي. مو أبو 5 صفحات ونصها رسمات. لا فيه قصص اسمها "ألفا بِت" مكتوبة من أهم الكلمات الانجليزية.

42- مظبي. وأهم شي الطحينية والكوكا. << ما تغديت الى الحين حسبي الله عليك

43- أطبخ وأنفخك. وشغل مضبوط. ونصيحة على الطاير

، أضف زبادي على صالونة الدجاج بدال الماء وبتدعي لي

.

44- لا. 30% نحقق بطولة.

أسئلة خفيفة بسم الله عليك

.