09/07/2011, 10:22 AM
|
 | زعيــم نشيــط | | تاريخ التسجيل: 01/05/2010 المكان: الى طـريقـي هنــاك حيث الامـل .... يارب
مشاركات: 844
| |
الله يحسن خاتمتنا ويرحمنا برحمتوه ولطوفوه
من جد لاقالوه الميت يحس انو راح يموت
ستي ام امي في اجازة الاسبوع اللي بين الترمين روحنا من يوم الاحد تقريبا نومنا عندها هيا باالعاده ستي اذا سويتلها ازعاج تقولي الله من الرجة خلاص اسكوتي صجيتي راسي طبعا بحكم انها كبيره في السن وكمان معاها السكر فمره ضعفت وماصارت تتحمل
يوم اث كونت منسدحة معاها ع سريرها وجالسه اوريها الصور اللي في جوالي واسلم عليها شويه وامسح ع ظهرها شويه بالعادة تسكوت وبعدين تقولي قومي رجيتيني الا ذاك اليوم ماقالت ولا شي وكانت ساكتة ولما كبس عليا النوم ماقالت روحي نامي هناك خلتني جنبها
يوم الثلاثاء ع الضحى تقريبا هيا وامي وخالتي بعد الفطور سألت خالتي عن البناجر والذهب قالتلها دوريها عندك ابيعوه واتصدق بفلوسوه قبل لااموت انا وقتها كونت جالسة واسمع ماادري ليش قلبي ماارتاح لكلامها قلتلها ستي لاتقولي كذا انتي طيبة ومافيك الا العافيه بس تدلعين وقومت بعدها لانو مااحب الكلام اللي زي كذا وفي نفس الوقت ماحطيت الكلام في بالي
وفجاة س 2 الظهر الا هيا خلت امي وخالتي يروحون يطلعون الدولاب القديم اللي في غرفت العفش ويطلعون ملابسها كولها القديمة وجلست هيا في الصاله واحنا نطلع في الملابس وتتطالع في كول فستان وتتذكر متى لبستوه تصدقت بكول ملابسها والله مابقي في الدولاب الا الملابس اللي جابتها من مكة
وفي الليل صخنت وراحت المستشفى
ويوم اخ تنومت في الليل ويوم اج دخلت العنايه ويعدها بيومين ماتت الله يرحمها موتتها صدمة لنا كولنا لانو هيا اللي لمتنا
الشئ اللي يضيق انو كان نفسها تشوف صورشبكتي ولانو هيا ماعاد تحضر عزايم احد والله لين يوم الاحد اللي نزلنا فيه عندها سألتني عنها وانا موعد استلامها 16 -6 بس بعد وفاتها بااسبوع اتصلت عليا المصوره وقالت تعالي من جد انصدمت الموعد بعد شهر وهيا داقه عليا بعد وفاتها
انا كنت مهددتها لانو ماحضرت الشبكة قلتلها والله يوم زواجي راح احط حبوب في القهوة وانومك واجيبك الفندق وغصبن عنك تجين
بكل هدوء ردت قالت ماراح اخذ عمري وعمر غيري وانا ارد واقول مو على كيفك ردت نفس الكلام ماراح اخذ عمري وعمر غيري
نهاية الاسبوع عندنا صار مالوه معنى واول يوم في رمضان الله يعديه ع خير
والعيد كيف نروح بيتها ماادري
مشكوره متيمة الزعيم
 |
